PM:04:36:02/11/2024
212 جار خوێندراوەتەوە
+
-
جێگرا سەرۆکێ پارتی
چاکسازیی تورکمانی ڕاگەهاند، خەلک چاڤەرێی پێکئینانا کابینەیا ١٠ـێ یا حکومەتا
هەرێمێ یە و نابیت ب بابەتەکێ لاوەکی وەکی تەوتین، بهێتە پشتگۆهـ هاڤێتن.
ئەڤرۆ شەمبی، مونا قەهوەچی، جێگرا سەرۆکێ پارتی چاکسازیی
تورکمانی ب میدیایا پارتی ڕاگەهاند، چاڤەرێ وێیەکێ نە ب زوترین دەم گۆتۆبێژ دەستپێ
بکەن، دا کو پەرلەمانێ کوردستانێ جڤینێن خۆ بکەت و حکومەتەکا بهێز پێکبئینن.
ئاماژە ب وێیەکێ ژیکر،
پێدڤیە خودان زۆرترین کورسی دەستپێشخەریێ بکەت داکو گۆتۆبێژ دەستپێ بکەن بۆ
پێکئینانا کابینەیا ١٠ـێ یا حکومەتێ و پێکهاتەیا تورکمانی چاڤەرێ دکەت مەسرور
بارزانی، ئەرکدار بکەت بۆ کو دەست ب پێکئینانا حکومەتێ بکەت.
دبێژیت ژی، "ئەم
وەکی پێکهاتەیا تورکمانی، کلدان سریان، ئاشور، ئەرمەن ژی دلگران بوین ژ دابەشکرنا
کورسیێن کۆتایان لسەر بازنەیان، ژبەر کو د بەرژوەندیا پێکهاتەیان دا نەبوو، مە
مافێن خۆ دەستەبەر کر بوون لدویف یاسایێن پەرلەمانێ کوردستانێ کو دەربازکرینە".
بەحسا وێیەکێ ژیکر، حەفتیەک
بسەر هەلبژارتنێ دا دەربازبوویە خەلک چاڤەرێ وێیەکێ یە کابینەیا ١٠ـێ بهێتە دروست
کرن، نەک ب بابەتێن لاوەکی وەکی تەوتین، دروستبوونا حکومەتێ بهێتە پشتگۆهاڤێتن، ئەو
لایەنێن بەحسا تەوتینێ دکەن دڤێن دەنگ و مافێ خەلکی و بابەتێن گرنگ و سەرەکی
پشتگۆهـ بهاڤێژین.