AM:08:16:04/10/2024
576 جار خوێندراوەتەوە
+
-
پشتی هێرشێن
مووشەکیێن ئیران بۆ سەر ئیسرائیل، بهایێ پەترۆلێ ب ئاوایەکێ بەرچاڤ بلندبوو و د
نها دا بهایێ وی زێرێ رەش تا دهێت بلند دبیت و بەرمیلەکا پەترۆلا خاڤا برێنت دوو
دۆلار و ٧٩ سەنتان بلند بوو، نها بهایێ ئێک بەرمیلێ ب ٧٧ دۆلارو ٥٢ سەنتان بازار پێ دهێتە کرن.
ئەڤڕۆ ئەینی، ئێک
بەرمیلا پەترۆلا رۆژئاڤایێ تێکساس ب ٧٣ دۆلار و ٦٣ سەنتان بازار پێ دهێتەکرن، هەڤئاوایێ
پەترۆلا برێنت بهایێ وێ ب ئاوایەکێ بەرچاڤ بلندبوویە.
ئەڤە دەمەکی دایە،
ڕێکخراوا ئۆپێک پلەس رۆژانە بەرهەمئینان ب ڕێژەیا پێنج ملیۆن و ٨٦ هزار بەرمیلێن پەترۆلێ
کێم کرینە و ئەڤ کێم کرنە تا کانوونا ئێکێ یا ئەڤسالە دێ بەردەوام بیت دیڤدا بەرهەمئینان
دێ ب ڕێژەیا ١٨٠ هزار بەرمیلێن پەترۆلێ زێدەکەن.
ئاژانسی فاینانشەل
تایمز دەربارێ ڤی بابەتی دبێژیت، زێدەکرنا بەرهەمی ب ڕێژەیا ١٨٠ هزار بەرمیلان پشتی
وێیەکێ دهێت کو سعودیە دڤێت بەرهەمئینانێ زێدەبکەت و د دویماهیکا سالێ دا بهایێ پەترۆلێ
بهێتە خارێ و ئەڤ ولات ڕەت دکەت کو بهایەکێ بنەجهـ بۆ پەتەرۆلێ دابنێت.
ژلایەکێ دیڤە،
ئالۆزیێن سیاسی و چەکداریێن رۆژهەلاتا ناڤەڕاست و جەنگێ روسیا و ئۆکرانیا و شەڕێ غەززە
بۆ لوبنان سەدەمەکێ دیێ نەبنەجهیا بهایێ پەترۆلێ یە.