PM:11:13:19/09/2024
36 جار خوێندراوەتەوە
+
-
دەمێ ٢٠ سالانە پارتی و یەکێتی ٧٪ـی مووچەیێ خانەنشینیێ
دبڕن، لێ نها نەپارە دیارە نە سندوقا خانەنشینیێ، ڤێ یەکێ ژی ئاریشە بۆ وەکهەڤکرنا
مووچەیێ خانەنشینێن هەرێمێ دگەل خانەنشینێن عێراقێ دروستکریە.
پشتی 33 سالێن چاڤەڕێبوونێ، حکومەتا عێراقێ بڕیارا
وەکهەڤکرنا مووچەیێ خانەنشینێن هەرێمێ دا، لێ نەبوونا سنودقا خانەنشینیێ ئاریشە
بۆ وەکهەڤکرنا مووچەیێ وان دروستکریە، ئەڤەژی پشتی وێیەکێ دهێت، کو پارتی و
یەکێتی، داهاتێ 20 سالێن سندوقا خانەنشینیێ خاری یە و بووینە ئاریشە ل هەمبەر
وەکهەڤکرنا مووچەیێ خانەنشینان.
هەڤدەم، حکومەتا ڕێڤەبرنا کارێن هەرێمێ لیستا مووچەیێ خانەنشینێن
سەربازی ناهنێرن بۆ بەغدا، ئەڤەژی ئەگەرە بۆ
وەکهەڤنەکرن و گیروبوونا مووچەیێ وان، لدیڤ زانیاریان ئەگەر لیستا مووچەیی
خانەنشینێن سەربازی بهێتە بەرهەڤکرن، مووچەیێ وان یێ مەها نەهـ ب وەکهەڤکری دێ
هێتە خەرجکرن.
بڕیارا وەکهەڤکرنا مووچەیێ خانەشینان پشتی گفاشتن و برنا دۆسەیا وان
بۆ دادگەها فیدرال ژلایێ پەرلەمانتارێن نەوەی نوێ هاتە دان.
بڕیار ب
ئاوایەکی یە کو کێمترین مووچەیێ خانەنشینیێ ل هەرێمێ کو نها 220 هزار دینارە، دێ
بیتە 500 هزار دینار، دگەل زێدەکرنا 100 هزار دینارێن دەرمالەیا ژیانێ، ژبلی هندی
ئەگەر خانەنشینان باوەڕنامە و سالێن خزمەتێ هەبیت، مووچەیێ وان تا 800 هزار
دیناران زێدە دبیت.
هەڤدەم، بلندترین مووچەیێ خانەنشینان ل هەرێمێ دگەهیتە 918 هزار دیناران،
لێ لدیڤ باوەڕنامە و یاسایێ گۆهڕانکاری بسەردا دهێت و مووچەیێ وان ب کێمی دێ
گەهیتە ئێک ملیۆن و 500 هزار دیناران، هەروەسا بەشەکا دی یا مووچەخۆران مووچەیێ
وان دێ گەهیتە ئێک ملیۆن و 800 هزار دیناران.