AM:11:12:19/09/2024
244 جار خوێندراوەتەوە
+
-
سەقاناسیا هەرێمێ
ڕاگەهاند، ئێڤاریا ئەڤرۆ بارانەکا نەرم ل دەڤەرێن سنوری دەستپێدکەت و هندەک جاران
ژی بۆ تاڤێن لاواز دهێتە گۆهڕین، دبێژیت ژی، "پلەیێن گەرمێ سێ بۆ چار پلەیان
دێ هێنە خار".
ئەڤرۆ پێنجشەمبی، سەقاناسیا
هەرێمێ راگەهاندنەک بەلاڤکر و تێدا هاتیە، بۆ ئەڤرۆ ئەسمان ساهی و نیڤ عەور دبیت و
ل دەڤەرێن چیایی عەورێ تەمام دبیت، ل دەمێ ئێڤارێ ژی بارانەکا نەرم و کێم دەستپێدکەت
و هندەک جاران بۆ تاڤێن لاواز دهێتە گۆهڕین.
ئاماژە ب وێ یەکێ ژی کر،
کارتێکرنا وێ باران بارینێ ل دەڤەرێن سنوری و ب تایبەت ل دەڤەرێن باکوورێ
رۆژئاڤایێ هەرێمێ و دەڤەرێن چیایێن زاخۆ.
دەربارەی سەقایێ سوبەهی
ژی سەقاناسیی ڕاگەهاند، ئەسمان نیڤ عەور دبیت و ل دەڤەرێن چیایی بۆ عەورێ تەمام
دهێتە گۆهڕین، ل دەمێن سپێدێ ژی بارانەکا نەرم دبیت ل سنورێ دهۆکێ دەستپێدکەت،
پشترا کارتێکرنا وێ ب ئاوایەکێ لاواز درێژ دبیت بۆ دەڤەرێن ناڤەراستا هەرێمێ و
هندەک دەڤەرێن هەولێرێ پشترا ل دەمێن ئێڤارێ کارتێکرنا ب لاوازی ل دەڤەرێن چیایێن
سنوری دمینیت.
ئەو یەکژی بەرچاڤکر، ل
دەڤەرێن چیایی و ب تایبەت ل دەڤەرێن سنوری، پلەیێن گەرمێ سێ بۆ چآر پلەیان دێ هێنە
خار.
بلندترین پلەیێن گەرمێ
یێن پێشبینیکری ب پلەیا سیلیزی:
دهۆک : ٣١ پلەیێنسیلیزى
زاخۆ : ٣٠ پلەیێنسیلیزى
هەولێر : ٣٣ پلەیێنسیلیزى
سلێمانی :٣١ پلەیێنسیلیزى
کەرکوک : ٣٥ پلەیێنسیلیزى
هەڵەبجە : ٣٤ پلەیێنسیلیز
حاجی ئۆمەران :
٢٠ پلەیێن سیلیز
سۆران : ٢٦ پلەیێنسیلیزى
گەرمیان : ٣٥ پلەیێنسیلیزى