AM:10:20:19/09/2024
64 جار خوێندراوەتەوە
+
-
لژنەیا داراییا پەرلەمانێ
عێراقێ ڕاگەهاند، مەرجە لسەر هەرێما کوردستانێ، ئەو پارەیێ ل مووچەخۆرێن خانەنشینکریان
هاتیە بڕین ل سالێن خزمەتا وان، بۆ بەغدا بهێتە ڤەگەراندن ب ئارمانجا هندێ کو
یاسای خانەنشینیا ئێکگرتی خانەشینێن هەرێمێ ژی ڤەگریت.
فەرمانگەها ڕاگەهاندنا
پەرلەمانێ عێراقێ ڕاگەرهاندنەک بەلاڤکر و تێدا هاتیە، لژنەیا دارایی د جڤینەکێ دا
بەحسا پرسا ب بەنکی کرنا مووچەیێ مووچەخۆرێن هەرێمێ و خانەنشینان کریە.
عەتوان عەتوانی سەرۆکێ لژنەیا
داراییا پەرلەمانێ عێراقێ بەحسا وێ یەکێ کر، پێگیرکرنا حکومەتا رێڤەبرنا کارێن
هەرێمێ بۆ ب بەنکی کرنا مووچەیێ مووچەخۆران پشتراستکرنا مافێن وەلاتیانە و دادپەروەریە
ژی، وێ بڕیارێ چ ئارمانجەکێ سیاسی نینە.
ئاماژە ب وێ یەکێ ژی کر،
ئەندامێن لژنەیێ کۆکن لسەر دوویرخستنا دۆسەیا مووچەی ژ هەڤرکیێن سیاسی و پێگیربوونە
ب دەستورێ عێراقێ.
بەری نها ژی عەتوان عەتوانی
سەرۆکێ لژنەیا داراییا پەرلەمانێ عێراقێ بۆ ئێن ئاڕ تی ڕاگەهاند، مەرجێ سەرەکیێ هنارتنا
مووچەیێ مووچەخۆرێن هەرێمێ ب بەنکی کرنا مووچەیە، داکو ئەوژی هەڤئاوایێ مووچەخۆرێن
عێراقێ مەهانە د دەمێ خۆ دا مووچەی وەرگرن.