AM:09:57:16/09/2024
604 جار خوێندراوەتەوە
+
-
زێدەباری کو بڕیار بوو داویا حەفتیا دەربازبووی لیستا مووچەیێ مەها
هەشت بهنێریت بۆ بەغدا دا کو بەغدا تەمامکرنا مووچەی بهنێریت، لێ حکومەتا رێڤەبرنا
کاران هەر بینە و بەردەیێ پێ دکەت و ب مەرەم دڤێت مووچەخۆر خێرێ ژ وی مووچەی
نەبینن کو وەردگرن و بۆ ئێشاندنا وان هنارتنا لیستا مووچەی بۆ حەفتیا بهێت پاشخست.
د دەمکێدا پێدڤی
بوو حەفتیا دەربازبووی مووچەی بهنێریت بۆ بەغدا، دوهی ئێکشەمبی، بەرپرسەکێ حکومەتا
رێڤەبرنا کاران راگەهاند، چێدبیت حەفتیا بهێت شاندەکێ حکومەتێ بچیتە بەغدا و لیستا
مووچەی دگەل خۆ ببەت.
ژێدەرەکی ژ حکومەتا عێراقێ بۆ ئێن ئاڕ تی ڕاگەهاند، بڕیار بوو پشتی جڤینا
شاندێ وزاریێ عێراقێ و جڤاتا ئابووریا هەرێمێ ژ دەسپێکا ڤێ مەهێ، بلەز هەرێم لیستا
مووچەیێ مەها هەشت بهنێریت، لێ هەیاما زێدەتری حەفتیەکێ یە چاڤەرێ هەرێمێ نە بۆ
هنارتنا وێ لیستێ.
وی بەرپرسێ عێراقێ گوت ژی، هنارتنا مووچەی گرێدایە ب وێیەکێ کو هەرێم
لیستا مووچەی بهنێریت، چەند هەرێم زویتر لیستێ بهنێریت دێ زویتر هێتە پارەدار کرن،
ژبەر کو پشتی هنارتنا وێ لیستێ د هەیاما ٢٤ دەمژمێران دا عێراق بەرهەڤە مووچەی
بهنێریت.
سەلاح بوشی
شێوەرمەندێ محەمەد شیاع سودانی سەرۆک وەزیرێن عێراقێ بۆ ئێن ئاڕ تی ڕاگەهاند، حکومەتا
عێراقێ هەمی بەرهەڤی بۆ چارەسەرکرنا ئاریشەیا مووچەیێ هەرێمێ نیشانداینە، چارەسەریا
وێ ئاریشەیێ ژی، نها لدەف هەرێمێ یە.