PM:11:49:15/09/2024
104 جار خوێندراوەتەوە
+
-
پارتی کو خۆ ب هێزا ئێکەما هەلبژارتنێن بەرێ
دزانی دەستهەلات نەبوو بەربژێرەکێ نەوەی نوێ دوویربێخیت، ئەڤەژی پشتی کو دەستهەلاتا
دادوەریا عێراقێ بڕیارا دوویرخستنا مەلا شڤان سەعید بەربژێرێ نەوەی نوێ هەلوەشاند
کو لسەر سکالایا پارتی کۆمسیۆنێ بڕیارا دوویرخستنا وی دابوو.
ب ڤێ یەکێ ژی ئێدی پارتی و یەکێتی ب خاستا خۆ نینە
چونکە نوینەرێن پارتی و یەکێتی پێکڤە بەربژێرێ نەوەی نوێ رەتکربوون، لێ نەوەی نوێ
شیا کاندیدێ خۆ ل بەغدا ڤە ڤەگەرینیت و گوریسێ وان دوو حزبان بکەتەڤە هڕی.
پارتی دگەل یەکێتی دا کو بەری نها خۆ ب حاکمێ
کول فی کول دزانین ئاماژەیێن داای هاتنا دەستهەلاتا وان ب تەمامی دەرکەفتیە، نها
ژبلی کو دۆسەیا پەترۆلێ ل ان هاتیە وەرگرتن و دۆسەیا هەلبژارتنێ ژی ل بن دەستێ وان
دا نەمایە بێ بەغدا نەشیت چ بڕیاران بدەت و چ نەمایە مووچە ب ئێکجاری ل بن دەستێ
وان دهێتە دەر.
ل چار سالێن دەربازبووی نەوەی نوێ وەک هێزەکا ئۆپۆزسیۆن
ل بەغداڤە گڤاشتنێن خۆ چرکرینە و دۆسەیێن گرنگ ل بن دەستهەلاتێ دەرئینان، نها و ل
دەمێ نێزیکبوونا هەلبژارتنا ٢٠ـێ ئوکتوبەرێ تا دهێت دەستهەلاتا پارتی کێمتر دبیت ب
ئاوایەکی نەشیا ئێک بەربژێرێ نەوەی نوێ ژی ل هەلبژارتنێ دوویربێخیت، ژبەر هندێ دهێتە
چاڤەرێکرن د ڤێ هەلبژارتنێ دا داوی ب دەستهەلاتا جوت حزبان بهێت ب مەرجەکی خەلک
بچنە دەنگدانێ بتنێ ١٠٪ زێدەترا دەنگدەرێن نەرازی بچن بۆ دەنگدانێ نەوەی نوێ دێ بیتە
هێزا ئێکێ و وەک چەوا سوز دایە، دێ دگەل بەغدا رێکەڤیت و ئاریشەیێن مووچە و خزمەتگوزاری
و بێکاری و ئاریشەیا هەمی تەخێن دی چارەسەر دکەت.