AM:08:16:24/08/2024
400 جار خوێندراوەتەوە
+
-
پشتی بڕیارا ئۆپیک پلەس بۆ دووبارە کێمکرنا
بەرهەمئینانا پەترۆلێ، هەیاما چەند رۆژانە بهایێ پەترۆلێ روو ل بلندبوونێ کریە و
دنها دا لدویف داتایێن بازارێن جیهانی بهایێ بەرمیلەکا پەترۆلا برێنت ب ٧٩ دۆلار و
دوو سەنتان بازار پێ دهێتە کرن.
ئەڤڕۆ شەمبی، بهایێ ئێک بەرمیلا پەترۆلا رۆژئاڤایێ
تێکساس ب ٧٤ دۆلار و ٨٣ سەنتان بازار پێ دهێتەکرن، هەڤبەر ب دوهی بهایێ وێ ئێک دۆلار
و ٥٠ سەنتان بلند بوویە.
بلندبوونا بهایێ پەترۆلێ پشتی وێ یەکێ دهێت ل چەند
رۆژێن دەربازبووی، رێکخراوا ئۆپیک پلەس بڕیاردا بەرهەمئینانا پەترۆلا رۆژانە کێم
بکەن.
هەیاما دەربازبووی ژی، رێكخراوا ئۆپیک پلەس ڕاگەهاند،
ژ دەستپێکا مەها نەهـ ڤە دەست دکەن ب داوی ئینانا کێمکرنا بەرهەمێ پەترۆلێ و ب
ئاوایەکێ رێکخستی ئەندام بەرهەمئینانێ زێدە دکەن.
ئەو یەکژی بەرچاڤکر، د نها دا بڕیارا کێمکرنا بەرهەمی
جێبەجێ دکەن هەیا دەمێ جێبەجێکرنا بڕیارا نووی کو تێدا رۆژانە دوو ملیۆن و 200
هزار بەرمیلێن پەترۆلێ ب ئاوایەکێ رێکخرستی ژ مەها نەهـ ڤە دهێتە زێدەکرن.
ئەڤە د دەمەکیدایە، ل داویا سالا 2022ـێ رێکخراوا
ئۆپیک پلەس بڕیاردا ب کێمکرنا بەرهەمئینانا پەترۆلێ ب رێژەیا پێنج ملیۆن بەرمیلان
کو دکەتە %5 یا خواستا لسەر پەترۆلێ ب مەرەما کۆنترۆلکرنا بهایان