AM:08:29:20/08/2024
336 جار خوێندراوەتەوە
+
-
بهایێ پەترۆلێ د بازاران دا ل نزمیێ بنەجهە، د
نها دا لدویف داتایێن جیهانی بهایێ بەرمیلەکا پەترۆلا برێنت ب ٧٧ دۆلار و ١٢ سەنتان
بازار پێ دهێتە کرن، ب ڤێ ژی هەڤبەر ب دوهی بهایێ وێ دۆلارەک و شەش سەنتان هاتیە
خار.
ئەڤڕۆ سێشەمبی، بهایێ ئێک بەرمیلا پەترۆلا رۆژئاڤایێ تێکساس ب ٧٣ دۆلار و ٧١ سەنتان
بازار پێ دهێتەکرن، هەڤبەر ب دوهی بهایێ هەڤئاوایێ پەترۆلا برێنت هاتیە خار.
چەند رۆژان بەری نها، رێكخراوا ئۆپیک پلەس ڕاگەهاند،
ژ دەستپێکا مەها نەهـ ڤە دەست دکەن ب داوی ئینانا کێمکرنا بەرهەمێ پەترۆلێ و ب
ئاوایەکێ رێکخستی ئەندام بەرهەمئینانێ زێدە دکەن.
ئەو یەکژی بەرچاڤکر، د نها دا بڕیارا کێمکرنا بەرهەمی
جێبەجێ دکەن هەیا دەمێ جێبەجێکرنا بڕیارا نووی کو تێدا رۆژانە دوو ملیۆن و 200
هزار بەرمیلێن پەترۆلێ ب ئاوایەکێ رێکخرستی ژ مەها نەهـ ڤە دهێتە زێدەکرن.
ئەڤە د دەمەکیدایە، ل داویا سالا 2022ـێ رێکخراوا
ئۆپیک پلەس بڕیاردا ب کێمکرنا بەرهەمئینانا پەترۆلێ ب رێژەیا پێنج ملیۆن بەرمیلان
کو دکەتە %5 یا خواستا لسەر پەترۆلێ ب مەرەما کۆنترۆلکرنا بهایان.