PM:12:39:31/07/2024
1708 جار خوێندراوەتەوە
+
-
کوشتنا
ئیسماعیل هەنیە سەرۆکێ مەکتەبا سیاسیا حەماس کارڤەندانێن نیڤدەولەتی لدویف خۆ
هێلان، وەزیرێ بەڕەڤانیا ئەمریکا ڕاگەهاند، پێشبینیێ ناکەن چ شەڕێن نوی ل رۆژهەلاتا
ناڤەراست دروست بن. جێگرێ وەزیرێ دەرڤە یێ روسیا ژی دبێژیت، "کوشتنا هەنیە تیرۆرەکا
سیاسی یا قەبیلنەکریە".
ئەڤرۆ
چارشەمبیێ، لۆید ئۆستن، وەزیرێ بەرەڤانیا ئەمریکا دەربارەی کوشتنا سەرۆکێ مەکتەبا
سیاسیا حەماس ڕاگەهاند، کوشتنا هەنیە رەوشا رۆژهەلاتا ناڤین ئالۆز دکەت، لێ ناهێتە
پێشبینی کرن چ شەڕێن نوی روبدەن.
هەر د وێ
دەربارێ دا، میخائیل بۆگدانۆڤ، جێگرێ وەزیرێ دەرڤە یێ روسیا ئاماژە ب وێ یەکێ کر،
کوشتنا هەنیە تیرۆرا سیاسی یە و رەنگە ببیتە سەدەمێ زێدەتر ئالۆزبوونا گرژیێن
رۆژهەلاتا ناڤەراست.
هەڤدەم،
وەزارەتا دەرڤە یا تورکیا، هەرچەندە راستەوخۆ ئیسرائیل ب ئەنجامدەرێ وێ هێرشێ
نەناساندیە، لێ ئەو بوویەر ب بوویەرەکا نەشرین بناڤ کر.
ژ لایەکێ دی
ڤە، هەر ئێک ژ مەحمود عەباس سەرۆکێ فەلەستین و محەمەد مستەفا سەرۆک وەزیرێن
فەلەستین، ئەو بوویەر شەرمەزار کر.
ئەڤە ژی د
دەمەکی دایە، سپێدەهیا ئەڤرۆ تەڤگەرا حەماس ڕاگەهاند، ئیسماعیل هەنیە سەرۆکێ
مەکتەبا سیاسی یا تەڤگەرا وان د هێرشەکێ دا و ل جهێ مانا وی ل تەهران یا پایتەختێ
ئیرانێ هاتیە کوشتن و ئیسرائیل ب ئەنجامدەرێ وێ هێرشێ تۆهمەتبار کر.