AM:10:20:27/07/2024
712 جار خوێندراوەتەوە
+
-
پەیڤدارێ وەزارەتا
ئاڤەدانکرنا عێراقێ ڕاگەهاند، وان نێزیکی 750 ملیار دینار قەرێن خانووبەرەیێ ب
وەلاتیان داینە و دگەل بەردەستبوونا سیولەیا پرۆسەیێ جارەکادی دەستپێدکەت.
نەبیل سەفار پەیڤدارێ
وەزارەتا ئاڤەدانکرنا عێراقێ بەحسا وێ یەکێ ژی کر، 16 بۆ 17 هزار مامەلەیێن
وەلاتیان وەرگرتینە و زێدەتری 13 هزار کەسان ئەو قەرە وەرگرتیە.
گوت ژی،
وەرگرتنا مامەلەیێن نووی ژبەر نەبوونا سیولەیان هاتیە راگرتن و نها بەشەکا وی پارەی
ب قەر ب وەلاتیان ددەن کو مەهانە ل خودان قەران وەردگرن بۆ سندوقا ئاکنجیبوونێ
دهێتە ڤەگەراندن.
ل دەستپێکا
ڤێ مەهێ ژی، نەبیل سەفار ئەو یەک بەرچاڤکربوو، وەزارەتا ئاڤەدانکرنا عێراقێ کوژمێ
750 ملیار دینار دابینکرینە و لدیف رێنمایێن یاسایا سندوقا ئاکنجیبوونێ دهێتە
خەرجکرن، تێدا رێک ب وەلاتیان دهێتەدان داخازا قەران بکەن، ب مەرجەکی خودان پارچە
زەڤیەک بیت کو ژ 100 مەترێن چار گۆشە کێمتر نەبیت.
ئەڤە د
دەمەکی دایە، ل هەرێما کوردستانێ هەیاما 10 سالانە هەمی پێشینیەیێن وەک خانووبەرە
و هەڤژینی و چاندنێ هاتینە راگرتن.