PM:08:38:26/07/2024
136 جار خوێندراوەتەوە
+
-
بەپرسەکێ
بلندێ وەزارەتا داراییا عێراقێ بۆ ئێن ئاڕ تی راگەهاند، هەرێم بەرهەڤ نینە داهاتێ
ناڤخۆ ڕادەستی بەغدا بکەت و تنێ داهاتێ دوو مەهێن دەرازینکێن سنووری ڕادەست کریە
کو نێزیکی ١٥٥ ملیار دینارانە کو ناگەهیتە ٥٪ یا داهاتێ ناڤخۆ، ئەڤ چەندە ژی بوویە
جهێ دلگرانیا حکومەتا عێراقێ.
د شەش مەهێن دەستپێکێ یێن ئەڤسالە دا بۆ هەر
مەهەکێ بەغدا زێدەتری ٩٥٠ ملیار دیناران بۆ دابەشکرنا مووچەیێ مووچەخۆرێن هەرێمێ
هنارتیە و ب تێكڕا دکەتە پێنج تڕلیۆن و ٧٠٠ ملیار دیناران، لێ هەرێمێ ژ داهاتێ
ناڤخۆ تنێ ١٥٥ ملیار دینار بۆ بەغدا ڤەگەڕاندینە و ناهێتە زانین پارەیێ دی ل کیڤەیە
و د چ تشتەکی دا هاتیە مەزاختن.
ژبلی داهاتێ
ناڤخۆ، لدیڤ زانیاریان داهاتێ فرۆتنا پەترۆلا قاچاغ مەهانە دگەهیتە نێزیکی ٣٠٠
ملیۆن دۆلاران، لێ هەرێم بەرهەڤ نینە وی داهاتی ڕادەستی بەغدا بکەت هەروەسا ژی مووچەی
پێ دابەشناکەت، ب ڕێکا ڕادەستنەکرنا داهاتێ ناڤخۆ بۆ بەغدا، هەرێم ئاریشەیان ژبووی
هنارتنا مووچەی دروست دکەت.
ژلایێ خۆڤە، د دەمێ بووری دا، تەیف سامی
وەزیرا داراییا عێراقێ راگەهاند، پێدڤیە هەرێمێ ٥٠٪ یا داهاتێ ناڤخۆ یێ نەپەترلی
ڕادەستی بەغدا بکەت و پێگیری دەستوور و ڕیککەفتنێ بیت تا د دەمێ خودا مەهانە
مووچەی بۆ مووچەخۆرێن هەرێمێ بنێرین.