PM:01:05:26/07/2024
1188 جار خوێندراوەتەوە
+
-
هەیاما
مەهەکێ یە دەڤەرێن جودایێن سنورێ هەرێما کوردستانێ ب رێکا بالەفرێن شەڕی ڤە دهێنە
بۆمبەبارانکرن و ب وێ سەدەمێ سەدان دۆنەمێن عەردی سوتینە، لدویف زانیاریێن ئێن ئاڕ
تی، هەیاما دوو رۆژانە ئاگر بەربوویە چەند دەڤەرێن سنورێ برادۆست و ناهێتە
ڤەمراندن.
ئەڤرۆ
ئەینیێ، نووچەگەهانێ ئێن ئاڕ تی ئاماژە ب وێ یەکێ کر، ل سنورێ چیایێ برادۆست، ب
دیارکری ژی دەڤەرا بەربزینە کو نێزیکی گوندێ بنپەرێز و کەتینە و دەرهۆلە دوو رۆژن
ئاگر بەربوویێ و نەهاتیە کۆنترۆلکرن.
بەحسا وێ
یەکێ ژی کر، ب سەدەمێ بۆمبەبارانان ئاگر بەربوویە وێ دەڤەرێ، گۆت ژی،
"بالەفرێن شەڕی وێ دەڤەرێ بۆمبەباران دکەن ڤێ ژی وەسا کریە کۆنترۆلکرنا وی
ئاگری یا ب زەحمەت بیت".
هەڤدەم، د وێ
دەربارێ دا رەوەند هاودیانی، پەیڤدارێ بەرەڤانیا باژێری یا سۆران ڕاگەهاند، ژبەر
نە بنەجهیا رەوشا ئەولەهیا وێ دەڤەرێ نەشێن چ کارمەندێن تیما بەرەڤانیا باژێری
بهنێرنە وی جهی. گۆت ژی، "گیانێ کارمەندێن وان یێ گرنگە و نەشێن بێخنە
مەترسیێ، ژبەرکو دهێتە بۆمبەباران کرن".
ئەڤە ژی د
دەمەکی دایە، ل رۆژا ١٧ـێ حوزەیرانا ئەڤسالە ڤە ژ لایێ بالەفرێن شەڕی ڤە زێدەتری
٣٩٠ جاران دەڤەرێن جودایێن هەرێمێ هاتینە بۆمبەبارانکرن و ب وێ سەدەمێ زەرەر
گەهشتیە زێدەتری ١٠٠ هزار دۆنەمێن عەردی و ١٠ گوند ژی هاتینە چۆلکرن.
کەریم کەیفی – سۆران