PM:08:48:25/07/2024
1820 جار خوێندراوەتەوە
+
-
وەزارەتا داراییا عێراقێ بۆ ئین ئاڕ تی راگەهاند، ژبەر نەدروستیا
لیستێ هویربینی د لیستا مووچەیێ مەها حەفت یا مووچەخۆرێن هەرێمێ دا هاتیە ڕاگرتن.
دبێژیت ژی، "داخازا زەلالکرنێ ژ حکومەتا ڕێڤەبرنا کارێن هەرێمێ کریە تا بشێن
حەفتیا بهێت مووچەیێ مووچەخۆرێن هەرێمێ ڕەوانە بکەن".
وەزارەتا داراییا
عێراقێ بۆ ئێن ئاڕ تی راگەهاند، حکومەتا ڕێڤەبرنا کاران چ مەهەکێ بێ ئاریشە لیستا
مووچەخۆران بۆ بەغدا ڕەوانە نەکریە و ژبەر نەدروستیا لیستا مووچەیێ مەها حەفت یێ
مووچەخۆرێن هەرێمێ، هویربینی د لیستێ دا هاتیەراگرتن.
بەحسا وێیەکێ ژیکر، داخازا زەلالکرنێ ژ حکومەتا ڕێڤەبرنا کاران کریە تا
دووبارە لیستا مووچەی ڕەوانە بکەن بۆ بەغدا تا حەفتیا بهێت دووبارە بشێن پارەیێ
مووچەیێ مەها حەفت بۆ هەرێمێ بنێرن.
هەڤدەم، ئێن ئاڕ تی زانییە، ئاریشەیا سەرەکی یا لیستا مووچەیێ هەرێمێ
پەیوەندی ب بەرهەڤکرنا لیستێ هەیە، هەر مەهەکێ بۆ مەها دی جودا لیست دهێتە ڕەوانەکرن،
ب ئاوایەکی د لیستا مووچەیێ مەها حەفت یا بووری ب حەفت شێوازێن جودا لیست بەرهەڤ
کریە.
ئێن ئاڕ تی زانییە، د دەمێ سێ مەهان دا حکومەتا ڕێڤەبرنا کاران نێزیکی
٣٦ ملیار دینار بۆ پارەیێ مووچەی زێدەکریە، بێی کو پلە بنلدکرن بۆ فەرمانبەران
دەست پێکربیت یان ب فەرمی چ کەسەک دامەزراندبیت، ئەڤەژی جهێ گومانێ یە ژلایێ حکومەتا
عێراقێ ژبەر هندێ داخازا زەلالکرنێ ژ حکومەتا ڕێڤەبرنا کارێن هەرێمێ کریە، بۆچی
لیستا مووچەیێ مووچەخۆرێن هەرێمێ هندە یا نەبنەجهە و هەر مەهەکێ چەندین ملیار
دینار زێدەبووینە.