PM:04:52:25/07/2024
404 جار خوێندراوەتەوە
+
-
وەزارەتا کۆچ و کۆچبەرێن عێراقێ راگەهاند، ئەڤڕۆ ل کەمپا شاریا ل
سنورێ دهۆکێ ٨٥٠ ئاوارە ڤەگەڕیانە دەڤەرێن خۆ ل شنگال و هەڤکاری بسەر هەمیان دا هاتە
دابەشکرن.
ئەڤڕۆ پێنجشەمبی،وەزارەتا کۆچ و کۆچبەرێن عێراقێ راگەهاند، ب هەڤکاریا ڕێکخراوا کۆچ و
کۆچبەرێن ناڤدەولەتی بەردەوامن ژ هەڤکاریکرنا ئاوارەیان ژ پێخەمەت ڤەگەڕیانە
ئاوارەیان بۆ دەڤەرێن خۆ.
ئاماژە ب وێیەکێ ژیکر، ئەڤڕۆ ٨٥٠ ئاوارە ل کەمپا شاریا ل سنوری دهۆکێ
ڤەگەڕیانە دەڤەرێن خۆ ل شنگال.
ئەو یەکژی بەرچاڤکر، هەمی ئەو ئاوارەیێن ڤەگەڕیاین بۆ دەڤەرێن خۆ
هەڤکاریێن ماددی و فریاگوزاری بسەردا هاتینە دابەشکرن و لدیڤ ڕێنمایێن سەرۆک
وەزیرێن عێراقێ بۆ ب داوی ئینان پرسا ئاوارەیان.
ئەڤە د دەمەکی دایە، رۆژا ١١ـی ڤێ مەهێ وەزارەتا کۆچ و کۆچبەرێن عێراقێ
راگەهاند، هەمی ئاوارەیێن ناڤ کەمپێن سنورێ پارێزگەهان سلێمانیێ ڤەگەڕیاینە
دەڤەرێن خۆ و داوی کەمپ ژی ل دەڤەرا عەربەت ل سنورێ سلێمانیێ هاتە دائێخستن و نها
چ کەمپەکا سنورێ پارێزگەها سلێمانیێ ئاوارە تێدا نەماینە.
هەڤدەم، ب
مەرەما ب داوی ئینانا دۆسەیا ئاوارەیان و دائێخستنا کەمپان، جڤاتا وەزیرێن عێراقێ
بڕیاردا تا رۆژا ٣٠ـی تەمموزا ئەڤسالە هەمی کەمپ بهێنە دائێخستن و هەمی ئاوارە
ڤەگەڕێن بۆ دەڤەرێن خۆ.