PM:12:49:08/05/2024
284 جار خوێندراوەتەوە
+
-
رێڤەبەرێ بەنکا بازرگانیا عێراقێ TBIبۆ ئێن ئاڕ تی ڕاگەهاند، ب بڕیارا دادگەها فیدرالی دەست ب بەنکیکرنا مووچەیێ
مووچەخۆرێن هەرێمێ دکەن و چ پەیوەندی ب پرۆژەیێ هەژمارا من ڤە نینە.
ئەڤرۆ چارشەمبیێ، ئەحمەد خەزرەجی رێڤەبەرێ ڕاگەهاندنا بەنکا تی بی ئای
دەربارەی ب بەنکیکرنا مووچەیێ مووچەخۆرێن هەرێمێ بۆ ئێن ئاڕ تی ڕاگەهاند، ب پشت
بەستن ب بڕیارا دادگەها فیدرالی دەست ب بەنکیکرنا مووچەیێ مووچەخۆرێن هەرێمێ دکەن.
ئاماژە ب وێ یەکێ ژی کر، ئەو مووچەخۆرێن ل هەژمارا من مووچەی وەردگرن، د
داهاتی دا هەژمارا وان دهێتە ڤەگوهاستن بۆ سەر بەنکێن تی بی ئای و رەشید و
رافیدەین.
بەنکا بازرگانی داخازێ ژ مووچەخۆران دکەت، پشکداریێ د پرۆژەیێ هەژمارا من
دا نەکەن و پرۆسەیا ب بەنکیکرنا مووچەی ژ لایێ بەنکا بازرگانیا عێراقێ دەست
پێکریە.
ئەحمەد خەزرەجی ئەویەک ژی بەرچاڤ کر، ئەو بەنک ب ژڤانە د هەیاما دوو مەهان
دا مووچەیێ ٧٠٠ هزار مووچەخۆارن ب بەنکی بکەت.
د وێ دەربارێ دا ژی رۆژا ٤ـێ ئایارێ، رێڤەبەرێ ڕاگەهاندنا بەنکا تی بی ئای
بۆ ئێن ئاڕ تی ڕاگەهاند، وەکی بەنکا بازرگانیا عێراقێ پێگیر دبن ب بڕیارا دادگەها
فیدرالی بۆ ب بەنکیکرنا مووچەیێ مووچەخۆرێن هەرێمێ لبن رێنمایێن وەزارەتا داراییا
عێراقێ. گۆت ژی، "چ زانیاری لسەر هەژمارا من نینە و ئەو ب تنێ کار ب بڕیارا
دادگەها فیدارالی دکەن بۆ بەنکیکرنا مووچەی نەک هەژمارا من".
هەڤدەم، لدویف زانیاریان، بەنکێن رەشید و رافیدەین لقێن خۆ ل باژێرێن
هەرێمێ دێ ڤەکەن و پشکدار دبن ژ پرۆسەیا ب بەنکیکرنا مووچەیێ مووچەخۆرێن هەرێمێ.