PM:12:34:06/05/2024
4476 جار خوێندراوەتەوە
+
-
ئەڤرۆ ل دەمێ ڤەکرنا بازارێن دراڤێن هەرێمێ بهایێ ١٠٠ دۆلاران ب ١٤٥ هزار و
٤٠٠ دیناران بوو، ب ڤێ ژی بهایێ دۆلاری نێزیکی ٢٥٠ دیناران هاتیە خار.
ئەڤرۆ دووشەمبیێ، ل دەمێ ڤەکرنا بازارێة دراڤان بهایێ ١٠٠ دۆلاران ب ١٤٥
هزار و ٤٠٠ دیناران بوو، ب ڤێ ژی بهایێ ١٠٠ دۆلاران هەڤبەر ب دوهی ئێکشەمبیێ، ٢٥٠
دیناران هاتیە خار، کو دوهی بهایێ ١٠٠ دۆلاران ب ١٤٥ هزار و ٦٥٠ دیناران بازار پێ
دهاتە کرن.
لدیڤ نووچەیێن میدیایێن عێراقێ، بەنکا ناڤەندی هاتیە ئەرکدارکرن بۆ
کۆنترۆلکرنا بهایێ دۆلاری و راگرتنا قاچاغیێ ب دراڤێن بیانی، بۆ ڤێ مەرەمێ ژی عێراق
بزاڤان دکەت هەمی مامەلەیێن ولاتی بکەتە ئەلیکترۆنی. دبیژیت ژی، "تیمەکا کارێ
هەڤبەش دناڤبەرا دەسهەلاتا گشتی یا باج و ئاسایشا نیشتیمانی و وەزارەتا ناڤخۆ دێ
هێتە پێکئینان بۆ بەرهنگاربوونا تاوانان لبن سەرپەرشتیا بەنکا ناڤەندی".
ژلایێ خوڤە ژی، پەیڤدارێ بازارێ دراڤان ل سلێمانیێ بۆ ئێن ئاڕ تی راگەهاند،
بهایێ دۆلاری ب ئاوایەکێ بەرچاڤ نزم بوویە ئەگەر فرۆتنا دۆلاری ب ئاوایێ کاش و
حەوالە بڤی ئاوایێ نها بمینیت دهێتە پێشبینیکرن بهایێ ١٠٠ دۆلاران ب ١٤٥ هزار
دیناران بمینیت.
ئەڤە د دەمەکی دایە، بەنکا ناڤەندیا عێراقێ راگەهاند، د هەیاما دوو حەفتیان
دا ب هەردوو ئاوایێن کاش و حەوالە نێزیکی سێ ملیار دۆلار فرۆتینە.