AM:10:16:27/04/2024
64 جار خوێندراوەتەوە
+
-
ئێڤاریا دوهی ئەینی، دەمژمێر ٦:٥٠ خولەک بۆ جارا هەشتێ زەڤیێن غازا
کۆرمۆر هاتنە ب ئارمانج گرتن و دوو دەنگێن بهێز دناڤ زەڤیێن غازێ هاتنە بهیستن،
ژبەر هندێ زەنگا ئاگەهدارکرنێ هاتە لێدان.
هەڤدەم، پەیڤدارێ حکومەتا رێڤەبرنا کاران راگەهاند، د هێرشا سەر زەڤیێن
غازا کۆرمۆر چار کەسان ژیانا خۆ ژ دەستداینە و سێ کەسێن دی برینداربووینە.
د دەما دوو
سالێن دەربازبووی دا زەڤیێن غازا کۆرمۆر ب ڕێکا درۆن و مووشەکان هەشت جاران هاتیە
ب ئارمانج گرتن، لێ ئێکەم جارە ژ سالا ٢٠٢٢ـێڤە کو ژبەر هێرشێ چار کەس ژیانا خۆ ژ
دەست بدەن.
هێرشێن درۆنی د دوو سالێن دەربازبووی دا؛
د دەما دوو سالێن دەربازبووی دا ١٦ هێرش ب درۆن و مووشەکان بۆ سەر
زەڤیێن غازا کۆرمۆر هاتینە ئەنجام دان، ژبەر وان هێرشان زێدەتری دوو هزار و ٥٠٠
مێگاواتێن کارەبێ كێمبووینە د هەر هێرشەکا مووشەکی و درۆنی دا.
هویرکاریێن هێرشان بۆ سەر زەڤیێن غازا کۆرمۆر؛
ئێڤاریا رۆژا
٢٢ـی ٦ـی ٢٠٢٢؛ دەمژمێر ٤:٤٥ خولەک هێرش بۆ سەر کۆمپانیا دانەغاز ل سنورێ چەمچەمال
هاتە ئەنجام دان.
رۆژا ٢٣ـی ٦ـی ٢٠٢٢؛ د دوو دەمێن جودا دا ب شەش مووشەکان هێرش بۆ سەر
زەڤین گازا کۆرمۆر هاتە ئەنجام دان ل سنورێ قادر کەرەم ل قەزا چەمچەمال.
رۆژا ٢٤ـی ٦ـی ٢٠٢٢؛ بۆ جارا سێیێ د دەما ٢٤ دەمژمێران دا ب مووشەکان
هێرش بۆ سەر زەڤیێن غازا کۆرمۆر هاتە ئەنجام دان.
رۆژا ٢٥ـی ٦ـی ٢٠٢٢؛ ب ڕێکا چەند مووشەکان بۆ جارا پێنجێ د دەما ٤٨
دەمژمێران دا لسەر ئێک هێرش هاتە ئەنجام دان بۆ سەر زەڤیێن غازا کۆرمۆر.
رۆژا ٣٠ـی ٨ـی ٢٠٢٣؛ ب هاوەن و کاتیۆشا هێرش بۆ سەر زەڤیێن غازا
کۆرمۆر ل ناحیا قادر کەرەم هاتە ئەنجام دان.
رۆژا ٢٥ـی ١ـی٢٠٢٤؛ ب مووشەکان هێرش بۆ سەر زەڤیێن غازا کۆرمۆر هاتە
ئەنجام دان و ئاگر بەربوو بەشەکا زەڤێێن غازێ.
رۆژا ٢٦ـی ٤ـی
٢٠٢٤؛ زەڤیێن غازا کۆرمۆر ب رێکا چەند درۆنان بۆ جارا هەشتێ هاتە ب ئارمانج گرتن.