PM:07:59:26/04/2024
152 جار خوێندراوەتەوە
+
-
وەزارەتا کارەب و
سامانێن سروشتی یێن حکومەتا رێڤەبرنا کارێن هەرێمێ بەلاڤکریە، بسەدەما هێرشا درۆنی
بۆ سەر زەڤیێن غازا کۆرمۆر هنارتنا گازێ بۆ وێستگەهێن بەرهەمئینانا کارەبێ هاتیە
ڕاوەستاندن و ژبەر هندێ نێزیکی دوو هزار و ٥٠٠ مێگاواتێن کارەبێ کێمبووینە.
ئەڤڕۆ ئەینی، هەردوو
وەزارەتێن کارەبێ و سامانێن سروشتی یێن حکومەتا رێڤەبرنا کارێن هەرێمێ ڕاگەهاندەک
بەلاڤکر و تێدا هاتییە، وەلاتیان ئاگەهدار دکەین ژبەر هێرشا سەر زەڤیێن غازا کۆرمۆر،
هنارتنا گازێ بۆ وێستگەهێن بەرهامئینانا کارەبێ هاتیە ڕاوەستاندن.
ئاماژە ب وێیەکێ ژیکر،
ژبەر ڕاوەستاندنا هنارتنا گازێ بۆ وێستگەهێن بەرهامئینانا کارەبێ ژ ئەنجامێ هێرشا
درۆنی بۆ سەر زەڤیێن غازا کۆرمۆر، نێزیکی دوو هزار و ٥٠٠ مێگاواتێن کارەبێ
کێمبووینە.
ئەو یەکژی بەرچاڤکر،
ستافێن هەردوو وەزارەتان دگەل ئالیێن هەڤبەش د بزاڤان دانە بۆ ئاسایی کرنا ڕەوشێ و
دووبارە دەستپێکرنا گازێ بۆ وێستگەهێن کارەبێ.
ئەڤە د دەمەکی دایە،
ژێدەرەکی ل زەڤیێن غازا کۆرمۆر بۆ ئێن ئار تی راگەهاند، زەڤیێن غازا کۆرمۆر هاتینە
ب ئارمانج گرتن و دوو دەنگێن بهێز دناڤ زەڤیان دا هاتیەن بهیستن. هەڤدەم، زەنگا
ئاگەهدارکرنێ دهێتە لێدان. گوت ژی، "ژبەر هێرشی دوو کەس برینداربووینە".