PM:03:56:26/04/2024
296 جار خوێندراوەتەوە
+
-
لدیڤ زانیاریێن ئێن ئاڕ تی، د بوویەرەکا هاتن و چوونێ دا لسەر رێکا زەڕایەن- دەربەندیخان
ل سلێمانیێ دوو کەسان ژیانا خۆ ژدەستدان و دوو کەس ژی بریندار بوون، هەڤدەم، کەسەک
ژی ل دەمێ مەلەڤانیکرنێ د رویبارێ دوکان دا خەندقی.
ئەڤرۆ ئەینی، ژێدەرەکی ژ نەخۆشخانەیا شەهید رەئوف بەگ بۆ
ئێن ئاڕ تی ڕاگەهاند، لسەر رێکا زەڕایەن- دەربەندیخان
نێزیکی گوندێ چنارە ل سلێمانیێ بوویەرەکا ترافیکی رویدا و ب وی سەدەمی دوو کەسان
ژیانا خۆ ژدەستدان.
بەحسا وێیەکێ ژیکر، ب سەدەمێ وێ بوویەرێ دوو کەس بریندار بوون و برینا ئێک
ژوان یا دژوارە و رەوانەی نەخۆشخانەیا سلێمانیێ هاتیە کرن و بریندارێ دی ژی رەوشا
ساخلەمیا وی نە بنەجهە.
هەڤدەم، گەشتیارەکێ ب رەگەز عەرەب ل دەمێ مەلەڤانیکرنێ دا ل رویبارێ دوکان
ژیانا خۆ ژدەستدا.
هەر ئەڤرۆ ل دوکان ل سلێمانیێ بارهەلگرەکی خۆ ل ١٥ ترۆمبێلان دا و د
ئەنجامدا ١٧ کەس بریندار بوون، وێ بوویەرێ زیانێن ماددی یێن مەزن لدیڤ خۆ ئینان.
رێنواز نامیق سلێمانی