AM:11:00:24/04/2024
392 جار خوێندراوەتەوە
+
-
کۆمسیۆنا بلندا سەربخۆیا هەلبژارتنێن عێراقێ - تایێ
هەولێرێ ڕاگەهاند، ژبەر پێدڤی و بەرژەوەندیا گشتی و گەرەنتی دان و دەستەبەرکرنا
هەڤسەنگیا کاران، گۆهڕین د پۆستێ رێڤەبەرێ ئۆفیسا هەلبژارتنێن هەولێرێ دا هاتە کرن.
ئەڤرۆ چارشەمبی، ئۆفیسا هەولێرێ یا هەلبژارتنان
ڕاگەهاندنەک بەلاڤکر و تێدا هاتیە، ژبەر پێدڤی و بەرژەوەندیا گشتی و گەرەنتی دان و
دەستەبەرکرنا هەڤسەنگیا کاران مەروان محەمەد وەک رێڤەبەرێ نووی یێ ئۆفیسا
هەلبژارتنان ل هەولێرێ هاتە دیارکرن.
بەحسا وێ یەکێ ژی کر، ئەو پێنگاڤە وەک بەرهەڤیەکێ یە بۆ
برێڤەچوونا هەلبژارتنا هەرێمێ د ئەڤسالە دا.
ژلایەکێ دی ڤە رۆژا ئێکشەمبی، جومانە غەلای پەیڤدارا کۆمسیۆنا
هەلبژارتنێن عێراقێ ئاماژە ب وێ یەکێ کر، لیژنەیا کۆمسیاران ل کۆمسیۆنا بلندا هەلبژارتنێن
عێراقێ، شەش هزار و ٢٩٨ ویستگەهێن دەنگدانێ و هزار و ٢٦٦ ناڤەندێن دەنگدانێ بسەر هەر
چار بازنەیێن هەلبژاردتنا پەرلەمانێ کوردستانێ دا بۆ دەنگدانا گشتی دابەش کرینە، بۆ
دەنگدانی تایبەت ژی، ٧٤٦ ویستگەهێن دەنگدانێ و ١٦١ ناڤەندێن دەنگدانێ پەسەند کرینە.