دانانا ئالایێ تورکیا ل سەر کەلها هەولێرێ کارڤەدان لدیڤ خۆ ئینان

AM:11:27:22/04/2024

1552 جار خوێندراوەتەوە

+ -

دانانا ئالایێ تورکیا ل سەر کەلها هەولێرێ بۆ پێشوازیکرنێ ژ سەرۆک کۆمارێ وی ولاتی کارڤەدان لدیڤ خۆ ئینان و بەشەکا زۆر یا وەلاتی و نڤیسەر و ڕەوشەنبیران ل تۆرێن جڤاکی رەخنەیان لێ دگرن.

بۆ پێشوازیکرنێ ژ رەجەب تەیب ئەردۆغان ل باژێرێ هەولێرا پایتەختێ هەرێما کوردستانێ جاددە و دیوارێن کەلها هەولێری ب ئالایێ تورکیا هاتە خەملاندن، ئەڤێ ژی کارڤەدانێن تەخ و چینێن جودا لدیڤ خۆ ئینان.

ئەڤە ئێکەمجار ژی نینە، دەستهەلاتا هەرێمێ ئالایێ تورکیا ل هەولێرێ بلند دکەت، بەری نها ژی ل ٢٩ـی ئازارا سالا ٢٠١١ بۆ پێشوازیکرنێ ل ئەردۆغان ئالایێ تورکیا ل پڕانیا جاددە و جهێن گشتیێن وی باژێری هاتیە بلندکرن و سترانا کەڤنا سەردەمێ عوسمانی یا بۆ ئەردۆغانی هاتە لێدان.

ئەڤە ژی د دەمەکێ دایە، رۆژانە تورکیا بۆمبەبارانا دەڤەرێن هەرێما کوردستانێ دکەت و د هەیاما چەند سالێن دەربازبووی ژی دا نێزیکی ١٥٠ وەلاتیێن مەدەنی بسەدەمێ بۆمبەبارانێن تورکیا ل دەڤەرێن جودایێن هەرێمێ ژیانا خۆ ژدەستداینە.