AM:10:30:22/04/2024
1124 جار خوێندراوەتەوە
+
-
٢٢ـی
نیسانێ یا هەمی سالان، سالڤەگەرا رۆژنامەڤانیا کوردی یە و ١٢٦ سال ب سەر دەرچوونا
ئێکەم رۆژنامەیا کوردی دا دەرباز دبن، سەرۆکێ حکومەتا رێڤەبرنا کاران ژی دبێژیت،
" وەک هەردەم دێ هەڤکارێن رۆژنامەڤان و ڕاگەهاندکارێن کوردستانێ بین"، د
دەمەکێ دا هەر ئەڤرۆ ل دیدارا ناڤدەولەتیا هەولێرێ بۆ کارێن رۆژنامەڤانی، ستافێ سەرۆکێ
حکومەتا رێڤەبرنا کاران هەمی رۆژنامەڤان و دەزگەهێن ڕاگەهاندنێ ل جهێ دیدارێ دەرکرن.
رۆژا ٢٢ـی نیسانێ
١٨٩٨ رۆژنامەیا کورستان ئێکەم ژمارە ل باژێرێ قاهیرە پایتەختێ میسر ژلایێ مقداد مەدحەت
بەدرخان دەرچوویە، کو ئێکەم رۆژنامەیا کوردی یە د دیرۆکا رۆژنامەڤانیا کوردی دا.
دەرچوونا رۆژنامەیا
کورستان د وی سەردەمی دا کو ئاخا کوردان هاتبوو داگیر کرن، هند ب شۆڕەشگیر د بیاڤێ
ڕاگەهاندنێ دا بناڤ دکەن، هەمی هژمارێن وێ ژی دویر ژ ئاخا کوردستانێ دەرچووینە.
هەڤدەم، مەسرور
بارزانی سەرۆکێ حکومەتا رێڤەبرنا کاران د سالڤەگەرا رۆژا رۆژنامەگەریا کوردی دا ڕاگەهاند،
"جهێ خۆشحالیێ و شانازیێ یە کو ڕاگەهاندکار ل هەرێما کوردستانێ و ژبەر حکومەتا
کوردستانێ ب ئازادی و بێ چ سانسۆرەک کارێ خۆ دکەن و ب تەمامی د ئازادن".
دبێژیت ژی،
"حکومەت ژی وەکی هەردەم دێ هەڤکارێ رۆژنامەڤان و ڕاگەهاندکارێن کوردستانێ بیت"،
د دەمەکێدا ئەڤرۆ ل دیدارا ناڤدەولەتی دا ل هەولێرێ بۆ کارێن رۆژنامەڤانی، ستافێ سەرۆکێ
حکومەتا رێڤەبرنا کاران هەمی رۆژنامەڤان و دەزگەهێن ڕاگەهاندنێ ل جهێ دیدارێ دەرکرن.
ئاخڤتنێن سەرۆکێ
حکومەتێ د دەمەکێدانە، ل ١٥ سالێن دەربازبووی دا چەندین رۆژنامەڤان ل هەرێما
کوردستانێ هاتینە کوشتن و رێگری ژی ل رۆژنامەڤانێن دەرڤەی دەستهەلاتێ بەردەوامن، ل
سنورێ بەهدینان ژی دەهان رۆژنامەڤان ب تۆهمەتا تێکدانا ئاسایشا نیشتیمانی هاتینە زیندانی
کرن و بەشەک ژوان ژی هێشتا د زیندانێ دانە.
هەڤدەم، پشتی
١٢٦ سالان هێشتا ئازادیا رۆژنامەڤانی بۆ رۆژنامەڤانان ل هەرێمێ نەهاتیە دابین کرن
و گرتن و گوشتن و بنپێکاریێن دژوار ل دژی رۆژنامەڤانان ل هەرێما کوردستانێ نە
راوستیاینە.
هەر د دەمێ دەربازبووی
دا، ژبەر کو ل ئێک ژ کەنالێن عێراقێ بەحسا وان هاتبوو کر، مەسرور بارزانی سەرۆکێ
حکومەتا رێڤەبرنا کارێن هەرێمێ و قوباد تالەبانی جێگرێ وی مووچەیێ مووچەخۆرێن هەرێمێ
برینە و دابەش ناکەن، هەیاما زێدەتری دوو حەفتیان عومەرێ مامە کوردە، ئەندامێ بەرێ
یێ جڤاتا بلندا نەوەی نوێ ژلایێ هێزێن ئەولەهیێن هەولێرێ ڤە هاتبوو دەستەسەرکرن و
دیڤدا دبن گڤاشتنێن ناڤخۆی و دەرەکی دا هاتە ئازاد کرن.