PM:01:52:19/04/2024
88 جار خوێندراوەتەوە
+
-
پەیڤدارێ بەرەڤانیا
باژێرێ سلێمانیێ بۆ دیجیتال میدیایا ئێن ئاڕ تی ڕاگەهاند، ل ئێک ژ تاخێن سلێمانیێ
ترۆمبێلەک تەقی و تا نها ژی سەدەمێ وێ تەقینێ ب نەدیاری مایە، ئەندامەکێ بەرێ یێ
سەرکردایەتیا یەکێتی ژی ڕاگەهاند، ترۆمبێلا وی ب رێکا بۆمبەکا چاندی هاتیە تەقاندن.
ئەڤرۆ ئەینی، ئارام عەلی
پەیڤدارێ بەرەڤانیا باژێرێ سلێمانیێ بۆ دیجیتال میدیایا ئێن ئاڕ تی ڕاگەهاند
ترۆمبێلەک ل تاخێ سەرچنار ل سلێمانیێ تەقیە و ب وێ سەدەمێ ژی ترۆمبێلەکا دی ژی
سوتیە، لێ د نها دا ئاگر هاتیە کۆنترۆلکرن و زیانێن گیانی نەبوون.
د هەمبەر دا، عەتا
سەراوی ئەندامێ بەرێ یێ سەرکرداتیا یەکێتی بۆ میدیایێن حزبا خۆ ڕاگەهاند، بۆمبەکا
چاندی ب ترۆمبێلا وی ڤە تەقیە، لێ چ زیانێن گیانی نەبوون و د نها دا ژی ڤەکۆلینان
د بوویەرێ دا دەستپێکریە.
ژلایەکێ دی ڤە
نووچەگەهانێ ئێن ئاڕ تی بەحسا وێ یەکێ کر، ژبەر تەقینا ترۆمبێلا وی بەرپرسی سێ ترۆمبێلێن
دی ژی سوتینە و کو ئێک ژ وان ترۆمبێلان ب رێژەیەکا کێم هاتیە سوتن و د نها دا ئەو
ئاگرە ژلایێ بەرەڤانیا باژێرێ سلێمانیێ هاتیە کۆنترۆلکرن