PM:08:28:18/04/2024
684 جار خوێندراوەتەوە
+
-
وەزارەتا داراییا عێراقێ بۆ ئێن ئاڕ تی ڕاگەهاند، دەستپێکا حەفتیا بهێت دێ
دەست ب دابەشکرنا مووچەیێ مەها چار هێتە کرن و چاڤەرێ لیستا مووچەیێ هەرێمێ ژی
دکەن تا ئێکشەمبیا بهێت بگەهیتە دەستێ وان، دبێژیت ژی، " ب گشتی لیستا
مووچەیێ مەها چار ژلایێ هەرێمێ ڤە راستەوخۆ دێ پارەی بۆ هەرێمێ هنێرن".
ئەڤرۆ پێنجشەمبی، وەزارەتا داراییا عێراقێ بۆ ئێن ئاڕ تی
ڕاگەهاند، دەستپێکا حەفتیا بهێت دێ دەست ب دابەشکرنا مووچەیێ مەها چار یێ
مووچەخۆرێن عێراقێ کەن.
ئاماژە ب وێیەکێ ژیکر، چاڤەرێ دکەن تا ئێکشەمبیا بهێت ٢١ نیسانێ لیستا
مووچەیێ مەها چار یێ مووچەخۆرێن هەرێمێ بگەهیتە دەستێ وان، گوت ژی، " ب
گەهشتنا لیستا مووچەی راستەخۆ دێ پارەی بۆ هەرێمێ هنێرین".
هەڤدەم، ئەڤرۆ جاسم محەمەد سەرۆکێ دادگەها فیدڕالی ڕاگەهاند، لسەر بنەمایێن
دەستووری دەست کرینە ب نیشتیمانیکرنا مووچەیێ مووچەخۆرێن هەرێمێ.
ئەڤە ژی د دەمەکێدایە، رۆژا ١٧ـی نیسانێ هونەر جەمال،
پەیڤدارێ وەزارەتا داراییا حکومەتا رێڤەبرنا کارێن هەرێمێ بۆ ئێن ئاڕ تی ڕاگەهاند،
تا حەفتیا بهێت هەمی بەرهەڤیان دکەن بۆ هنارتنا لیستا مووچەیێ مەها چار یێ مووچەخۆرێن
هەرێمێ بۆ بەغدا.
بەری نها ژی ، ژێدەرەکی ژ حکومەتا عێراقێ بۆ ئێن ئاڕ تی ڕاگەهاند، هێزێن
سیاسیێن عێراقێ لسەر جێبەجێکرن و هنارتنا مووچەیێ هەرێمێ د دەمێ خۆ دا ڕێککەفتن و
سودانی ژی ل ئەمریکا تەکەزی لسەر وێیەکێ کر کو ئاریشەیا مووچەیێ هەرێمێ هاتیە
چارەسەرکرن.