AM:08:14:29/03/2024
252 جار خوێندراوەتەوە
+
-
ل حەفتیا دەربازبووی بهایێ پەترۆلێ
بلند بوونەکا بەرچاڤ بخۆڤە دیت و دنها دا لدیف داتایێن بازارێ جیهانێ ئێک بەرمیلا
پەترۆلا خاڤا برێنت ب ٨٧ دۆلار و ٣١ سەنتان بازار پێ دهێتە کرن، بڤێ ژی هەڤبەر ب
رۆژا دەربازبووی بهایێ وێ ٣١ سەنتان بلند بوو.
ئەڤرۆ ئەینی، لدیف
داتایێن بازارێ جیهانێ، بهایێ ئێک بەرمیلا پەترۆلا خاڤا تەکساس ب ٨٣ دۆلار و ١٧
سەنتان بازار پێ دهێتە کرن.
ل حەفتیا دەربازبووی بهایێ پەترۆلێ ب رێژەیا ٠.٤٥٪ بۆ هەر بەرمیلەکێ
هاتیە خار ئەڤە ژی پشتی وێیەکێ هات ئاستێ یەدەکێ پەترۆلا ئەمریکا ب رێژەیا ٠.٨٪
زێدەتر بوویە ژ وێ رێژەیا پێشبینیکری.
شەڤا ١٤ـێ ئادارێ، بهایێ پەترۆلێ ب رێژەیا ١.٥٢٪ بلندبوو و ئێک
بەرمیلا پەترۆلا خاڤا برێنت ب ٨٥ دۆلار و ٣٠ سەنتا بازار پێ دهاتە کرن.ئێک
بەرمیلاتەکساس ب ٨١ دۆلار و ١٧ سەنتان بازار پێ دهاتە کرن.
ئەڤە ژی د دەمەکێدایە، هەیاما مەهەکێ یە، ئالوزیێن دەریایێ سور
دناڤبەرا ئەمریکا و ولاتێن هەڤپەیمان و گرۆپێن ژ یاسایێ دەرچوویێن یەمەن کو هەمی
کەشتیێن پەترۆلێ ژلایێ گرۆپێن چەکدار ڤە ب ئارمانج دهێنە گرتن.
هەڤدەم، چاڤدێرێن ئابووری ڤێ بلندبوونا بهایێ پەترۆلێ دزڤڕینن بۆ
کێمبوونا پەترۆلا خاڤ ل کۆگەهێن ئەمریکا دا و زۆربوونا خاستا جیهانی لسەر پەترۆلا
خاڤ، هەڤدەم بەرفرەهبوونا گرژی و ئالۆزیێن هەرێمیێن رۆژهەلاتا ناڤین.
ئەڤە د دەمەکی دایە، دەما چەندین مەهانە، شەڕێ ناڤبەرا حەماس و
ئیسرائیل و شەڕ و ئالۆزیێن دەریایا سور دناڤبەرا ئەمریکا و ولاتێن هەڤپەیمان و
گرووپێن ژ یاسایێ دەرچوویێن یەمەن سەر هەلدایە، ئەو گروپێن ژ یاسایێ دەرچووی هێرشێ
دکەنە سەر کەشتیێن ڤەگوهاستنا پەترۆلێ ل دەریایا سور ئەو یەک ژی بۆیە سەدەم بۆ
بلندبوونا بهایێ پەترۆلێ ل بازارێن جیهانێ دا بۆ سەر ٨٠ دۆلاران.