PM:09:17:27/03/2024
2528 جار خوێندراوەتەوە
+
-
یاریدەدەرێ سەرۆک وەزیرێ حکومەتا رێڤەبرنا
کارێن هەرێمێ راگەهاند، سوبەهی پێنجشەمبی دێ لیستا مووچەی بەلاڤکەن و حەفتیا بهێت
دێ دەست ب دابەشکرنا مووچەی کەن.
ئەڤڕۆ چارشەمبی
رێباز حەملا یاریدەدەرێ سەرۆکێ حکومەتا رێڤەبرنا کاران بۆ میدیایێن پارتی
راگەهاند، سوبەهی پێنجشەمبی دێ لیستا مووچەی بەلاڤکەن.
ئاماژە ب وێیەکێ ژیکر، پشتی بەلاڤکرنا
لیستا مووچەی، دەستپێکا حەفتیا بهێت دێ دەست ب دابەشکرنا مووچەی هێتە کرن.
بەحسا وێیەکێ ژیکر، دهێتە چاڤەڕێکرن سوبەهی
بەغدا تەڤایا پارەیێ مووچەی بنێریت بۆ سەر هژمارا وەزارەتا داراییا هەرێمێ.
ئەڤە د دەمەکی دایە، پشتی دوو حەفتیان ژ
دەست بسەرداگرتنا پارەی، حکومەتا رێڤەبرنا کارێن هەرێمێ راگەهاند، دێ دەست ب دابەشکرنا
مووچەی کەین. ژێدەرەکی ژ وەزارەتا داراییا هەرێمێ بۆ ئێن ئاڕ تی راگەهاند، تا نها
پارە بۆ دابەشکرنا مووچەی ب وەزارەتا دارایی نەهاتیە دان، ژبەر ڤێ یەکێ لیستا
مووچەی نەهاتیە بەلاڤکرن.
وی ژێدەری ئەو یەکژی راگەهاند، حکومەتا
ڕێڤەبرنا کاران تنێ ئەو هایدار کرینە کۆ لیستا مووچەی بەلاڤبکەن، لێ حکومەتا
رێڤەبرنا کاران ئەو پارەیێ بۆ دابەشکرنا مووچەی ژ بەغدا هاتی بۆ دەما دوو حەفتیانە
دەست بسەر داگرتیە، تا نها نەهاتیە هنارتن بۆ وەزارەتا دارایی هەیا مووچەی پێ
دابەش بکەن.