AM:10:08:03/11/2023
840 جار خوێندراوەتەوە
+
-
بەرچاڤکەکا زیرەک کو تەکنەلۆژیا دەنگی بۆ هاتیە زێدەکرن شیانا
کەسێن نەبینا یان کێم بینین بۆ ناسین و گەهشتن ب تشتان ب ئاوایەکێ بەرچاڤ بلند دکەت.
ڤەکۆلینەکا ئوسترالی، گرنگی ب بەرچاڤکەکا زیرەک بۆ کەسێن
نەبینا و کێم بینین دایە ب مەرەما وێ کو ژیانا رۆژانەیا وان بۆ ب ساناهی تر بکەت،
کو ل ڕێکا دەنگی هایدار دکەت.
ئەو بەرچاڤکە ب ئاوایەکی کاردکەت کو ل دەمێ دیتنا هەر تشتەکی
راستەوخۆ ب دەنگێ بکارهێنەری ژ هەبوونا وی تشتی هایدار دکەت کو دڤێت و دشێت هەڤکاریا
کەسێن نەبینا و کێم بینین بکەت ب ئاوایەکێ ساناهیتر دەست ب تشتان بگەهیت.
لدیڤ ئامارا رێکخراوا ساخلەمیا
جیهانی، نێزیکی ٢٩ ملیۆن کەس د جیهانێ دا نەبینانە و ٢٤٦ ملیۆن کەسێن دی ژی ب
ڕێژەیەکا گەلەک کێم دبینن کو کارتێکرن لسەر شیانا پشکداریکرنێ د چالاکیێن رۆژانەدا
هەیە.
نڤشێ داهاتی بەرچاڤکا
زیرەک کو زانیاریێن نەهێنە دیتن بۆ ئایکۆنێن دەنگی یێن جودا دگۆهریت، ژلایێ
ڤەکۆلەرێن زانکۆیا تەکنەلۆژیا سیدنی و زانکۆیا سیدنی و ب هەڤکاری دگەل کۆمپانیا
"ئاریا ریسێرچ" کو ل سیدنی یا بنەجهە گرنگی پێ هاتیەدان.