PM:06:21:30/09/2023
348 جار خوێندراوەتەوە
+
-
رێڤەبەرێ بەرەڤانیا باژێری یێ عێراقێ راگەهاند،
ژ دەستپێکا ئەڤسالە تا نها ١٩ هزار بوویەرێن
ئاگربەربوونێ روویداینە کو ژ هەمیا دژوارتر بوویەرا ئاگربەربوونا دوو نەخۆشخانەیێن
بەغدا بووینە کو ژ سەدەما وان ئاگران زێدەتری ١٨٠ کەسان ژیانا خو ژ دەستدان و ٥٠٠
کەس ژی برینداربوون.
ئەڤرۆ شەمبی، کازم بورهان رێڤەبەرێ بەرەڤانیا
باژێری یێ عێراقێ د راگەهاندنەکێ دا بەحسا وێیەکێ کریە، ب پشت گرێدان ب تۆمارێن وەزارەتا
ساخلەمیا عێراقێ د هەیاما سێ سالان دا ب سەدەما ١٠٠ هزار بوویەرێن ئاگربەربوونێ زێدەتری
٨٥٥ کەس ژیانا خو ژ دەستداینە و ب هزاران کەس ژی برینداربووینە.
ئەو یەکژی بەچاڤکر، لدویف تۆماران زێدەتری
١٠٠ هزار حالەتێن ئاگربەربوونێ ل سالێن ٢٠٢٠-٢٠٢٣ هاتینە تۆمارکرن کو ژ وێ رێژەیێ
ژی زێدەتری ١٩ هزار بوویەر ژبەر کەهرەبێ روویداینە.
ئەڤە ژی د دەمەکی دا یە درەنگیا شەڤا سێشەمبیا
دەربازبووی، ژبەر ئاگربەربوونێ د ئاهەنگەکا هەڤژینیێ دا ل هۆلا هەیسەم ل قەزا حەمدانیە،
١٠٤ کەسان ژیانا خو ژ دەستدان و ٢٠٠ کەسێن دی ژی برینداربوون.