PM:02:26:30/09/2023
924 جار خوێندراوەتەوە
+
-
ئەندامەکێ کۆنگرەیا یەکێتی بۆ دیجیتال میدیایا ئێن ئاڕ
تی ڕاگەهاند، کۆنگرەیا پێنجێ یا وێ حزبێ بۆ سوبەهی هاتە درێژکرن.
ئەڤرۆ شەمبیێ، مستەفا چاوڕەش ئەندامێ کۆنگرەیێ یەکێتی بۆ
دیجیتال میدیایا ئێن ئاڕ تی ڕاگەهاند، ژ کۆیا ٦٤ ماددەیێن پەیرەوێ ناڤخۆیێ یەکێتی
ئەڤرۆ ١٨ ماددەیێن پەسەندکرین و ٥٦ ماددەیێن ماین دێ هێنە پەسەندکرن.
ئەو یەکژی بەر چاڤکر، ئەڤرۆ پەیرەوێ ناڤخۆ یێ یەکێتی
ناهێتە پەسەندکرن چونکی گۆتۆبێژێن زۆر هەنە لسەر ماددەیان، بەشەک ژی دێ سوبەهی هێنە
پەسەندکرن.
هەر ئەڤرۆ، تەلار لەتیف پەیڤدارا کۆنگرەیا پێنجێ یا یەکێتی
بۆ میدیایێن حزبا خۆ ڕاگەهاند، ئەڤرۆ کارێن کۆنگرێ دێ بەردەوامبن و پشتی پەسەندکرنا
هەمی ماددەیێن پەیرەوێ ناڤخۆ، دێ هەلبژارتن بۆ ئەندامێن جڤاتا سەرکردایەتی هێنەکرن.
ئەڤە ژی د دەمەکێدایە، پێدڤی بوو دوهی ئەندامێن
سەرکردایەتیا یەکێتی دیارکربان و کۆنگرە ژی ب داوی ئینابا.
ل رۆژا ٢٧ـێ ڤێ مەهێ کۆنگرەیێ پێنجەمێ یەکێتی برێڤەچوو و
بافل تالەبانی جارەکا دی وەک سەرۆکێ وێ حزبێ هاتە هەلبژارتن.
گۆران لوقمان- سلێمانی