PM:11:28:29/09/2023
1604 جار خوێندراوەتەوە
+
-
وەزیرێ ناڤخۆیێ عێراقێ ڕاگەهاند: سوبەهی شەمبیێ، ئەنجامێن
ڤەکۆلینێن بوویەرا ئاگربەربوونا حەمدانیە دێ هێنە ئەشکەرا کرن و سەرۆک وەزیرێن
عێراقێ دێ دیڤچوونێ بۆ ڤەکۆلینان کەت.
ئەڤرۆ ئەینیێ، عەبدولئەمیر شەمەری وەزیرێ ناڤخۆیێ عێراقێ ڕاگەهاند، پشتی کو ڤەکۆلین و
دیڤچوونێن ئاگرێ حەمدانیە ژلایێ لژنەیا ڤەکۆلینێ ب داوی هاتین، سوبەهی ئەنجامێن
ڤەکۆلینان لسەر بوویەرا ئاگرێ حەمدانیە دێ هێنە ڕاگەهاندن.
ئاماژە ب وێیەکێ ژیکر، ئەو هۆلا بوویەر تێدا روویدای ل
سالا ٢٠١٣ هاتیە دروستکرن و خودانێ وێ هەیاما ١٠ سالایە موهلەت نینە و ئەو هۆلە ب
نەیاسای و ب داگیرکرنا دەڤەرەکا چاندنێ هاتیە دروستکرن.
درەنگیا شەڤا سێشەمبیا دەربازبووی، د ئاهەنگەکا هەڤژینیێ
دا ئاگربەربوو هۆلا هەیسەم ل قەزا حەمدانیە و ب وی سەدەمی ژی ١٠٠ کەسان ژیانا خۆ
ژدەستدان و ١٥٠ کەس ژی برینداربوون.