PM:09:25:29/09/2023
348 جار خوێندراوەتەوە
+
-
مالپەرێ ئینێرجی ئینتەلیجێنس، کو تایبەتە لسەر بەلاڤکرنا
زانیاریان لسەر کەرتێ ئەنەرژیێ ل جیهانێ بەلاڤکر، وەبەرئینانا پەترۆلێ ل هەرێمێ و
ب قاچاخبرن بۆ دەرڤەی هەرێمێ د زێدەبوونێ دایە.
لدیڤ ڕاپۆرتا مالپەرێ ئینێرجی ئینتەلیجێنس، ل پشتی
ڕاگرتنا هناردەیا پەترۆلێ هەیا نها وەبەرئینانا پەترۆلا هەرێمێ رۆژانە گەهشتیە
زێدەتری ٢٠٠ هزار بەرمیلان و پتریا وێ پترۆلێ ب قاچاخ هناردەی ژدەرڤە دهێتەکرن.
هەڤدەم مایڵز کاگینز، پەیڤدارێ کۆمەلەیا پیشەسازیا
پەترۆلا هەرێمێ د بەرنامێ تاوتوێ یێ ئێن ئار تی دا ڕاگەهاند، وەبەرئینانا پەترۆلا
هەرێمێ ٥٠٪ـێ کێمکریە و ناچیتە دناڤ بازارێن پەترۆلا جیهانی دا.
لدیڤ زانیاریێن ئێن ئاڕ تی، رۆژانە هزاران تانکەرێن
پەترۆلێ ب رێکا دەرازینکێن سنووریێن پەروێزخان و باشماخ و حاجی ئۆمەران هناردەی
دەرڤەی هەرێمێ دهێتەکرن ژبلی پەترۆلا خاڤ، گاز و گاز وایل ژی تێدانە و هەر تانکەرەک
ژی ٥٠٠ دۆلاران کرێیا رێکێ ژێ دهێتە وەرگرتن.
ئێن ئاڕ تی زانیە، ژ نویترین رێکێن ب قاچاخبرنا پەترۆلێ،
بەشەکا پەترۆلێ ب رێکا بەندەرێ ئیمام ڤە دهێتە هنارتن بۆ دوبەی و ل وێرێ کریاران
بۆ دبینین و بەشەک ژی ب رێکا تانکەران بۆ ئەفغانستان و پاکستان دچیت و ل دوو
ولاتان دهێتە ساخکرن.
ئەڤە د دەمەکێدایە، زێدەباری هنارتنا پارەی ل بەغدا و
داهاتێ ناڤخۆ و ئەو داهاتێ ژ قاچاخیا پەترۆلێ ب دەست وان دکەفیت، لێ حکومەتا
رێڤەبرنا کاران ب خاڤی مووچەیێ فەرمانبەران دابەش دکەت.