AM:09:27:29/09/2023
3024 جار خوێندراوەتەوە
+
-
پشتی زێدەتری١٠ سالان ژ ڕاگەهاندن و دانانا بەرێ بنیاتێ بۆ ئاڤاکرنا
بالەفڕخانەیا نێڤدەولەتیا دهۆکێ، لێ تا نها کێمتری ١٠٪ هاتیە تەمامکرن و چارەنڤیسێ
٤٥٠ ملیۆن دۆلارێن بۆ هاتینە تەرخانکرن نەدیارە.
ل سالا ٢٠١٣ ژلایێ نێچیرڤان بارزانی سەرۆکێ دەم بسەرڤەچوویێ نها یێ هەرێمێ بەرێ
بنیاتێ بۆ بالەفڕخانا نێڤدەولەتیا دهۆکێ هاتەدانان، لێ تا نها کێمتری ١٠٪ کار تێدا
هاتیەکرن و بێ هەبوونا چ ئەگەرەکێ زەلال هاتیە راوەستاندن.
مەسرور بارزانی سەرۆکێ حکومەتا رێڤەبرنا کارێن هەرێمێ ل ٢١/٩/٢٠٢١ سەرەدانا
پرۆژەیێ بالەفڕخانا نێڤدەولەتیا دهۆکێ کر، لێ پشتی نێزیکی سالەکێ ژ وێ سەرەدانێ
بڕیار لسەر پێکئینانا لژنەیەکێ دا ژبووی دووبارە دەست بکاربوونێ د وی پرۆژەی دا،
لێ جارەکا دی چارەنڤیسێ وێ ب نەهاتە ئێکلاکرن.
بڕیاربوو پشتی دانانا بەرێ بنیاتی بۆ پرۆژەی، بالەفڕخانەیا نێڤدەولەتیا
دهۆکێ د هەیاما ٩٠٠ رۆژان دا بهێتە تەمامکرن ئانکو ب دوو سال و چار مەهان و ٤٥٠ ملیۆن
دۆلار بۆ ئاڤاکرنا بالەفڕخانا نێڤدەولەتیا دهۆکێ هاتبوو تەرخانکرن، لێ تا نها نە
چارەنڤیسێ پارەی دیارە و نە بالەفڕخانە هاتە ئاڤا کرن.
د ئەگەرێ جێبەجێکرنا وی پرۆژەی دا رێژەیا بێکاریێ ل دهۆکێ کێم دبیت کو نها
٢٤.١٪ـیە و خەرجیێن گەشتکرنێ و بهایێ کەلوپەلان ب ئاوایەکێ بەرچاڤ بۆ وەلاتیێن
دهۆکێ کێم دکەت.
بالەفڕخانا نیڤدەولەتیا دهۆکێ دکەڤیتە قەزا سێمێل دناڤبەرا پارێزگەها دهۆک
و موسل و ئیدارەیا زاخۆ.