PM:12:54:25/09/2023
5656 جار خوێندراوەتەوە
+
-
پارێزگارێ بەنکا ناڤەندیا عێراقێ ڕاگەهاند، د چەند مەهێن
داهاتی دا عێراق هەمی ماملەیێن بازرگانیا ناڤخۆ و ماملەیێن دی ل جهێ دۆلاری ماملەیان
ب دراڤێ عێراقی دکەت، دبێژیت ژی، "بکارئینانا دۆلاری سنوردار دکەین".
ئەڤرۆ دووشەمبیێ، عەلی عەلاق پارێزگارێ بەنکا ناڤەندیا
عێراقێ د ڕاگەهاندنەکێ دا بەحسا وێیەکێ کر، د چەند مەهێن داهاتی دا د ماملەیێن
بازرگانیا ناڤخۆ و ماملەیێن دارایی دا ل
جهێ دۆلاری دراڤێ عێراقی بکاردئینن.
ژ ئالیێ خۆ ڤە ژی بەرپرسەکێ بلندێ وەزارەتا گەنجینەیا
ئەمریکا ڕاگەهاند، دڤێت بەنکا ناڤەندیا عێراقێ چارەسەریا وان مەترسیان بکەت کو ژ
ئەنجامێ خراب بکارئینانا دۆلاری د بەنکێن بازرگانیێ عێراقێ دا دروست بووین و
بەردەوامی هەیە.
ئەڤە ژی پشتی وێیەکێ دهێت، لژنەیا داراییا پەرلەمانێ عێراقێ ڕاگەهاند، د
هەیاما سێ مەهێن داهاتی دا بهایێ دۆلاری دێ ڤەگەریتە سەر بهایێ خۆ یێ فەرمی و د
نهادا بەنکا ناڤەندی ٨٠٪ـێ یا پێدڤیێن دارایی دابینکرینە.