PM:06:19:24/09/2023
2916 جار خوێندراوەتەوە
+
-
وەزیرێ ساخلەمیا عێراقێ ڕاگەهاند، دەرچوویێن سالا 2022ـێ لکۆلێژێن نوژداری یێن زانکۆ و پەیمانگەهێن عێراق و هەرێما کوردستانێ و
دەڤەرێن ئاریشە لسەر لدیف پسپۆریا باوەرنامەیێن وان ل فەرمانگەهان دهێنە
دامەزراندن.
ئەڤرۆ ئێکشەمبی، سالح مەهدی حەسناوی وەزیرێ ساخلەمیا
عێراقێ ڕاگەهاند، بڕیار هاتەدان ب دامەزراندنا دەرچوویێن کۆلێژێن نوژداری ل زانکۆ
و پەیمانگەهێن عێراقێ.
ئاماژە ب وێیەکێ ژی کر، هەر ئێک ژ دەرچوویێن کۆلێژا
نوژداریا گشتی، کۆلێژا نوژداریا ددانان، کۆلێژا دەرمانسازی، کۆلێژا پەرستاری،
کۆلێژا تەکنیکیا نوژداری و پەیمانگەها تەکنیکیا نوژداری بۆ سالا 2022 دێ هێنە
دامەزراندن ل فەرمانگەهـ و سازیێن حکومەتێ.
ئەو یەکژی بەرچاڤکر، ئەو بڕیار دەرچوویێن هەرێما
کوردستانێ و دەڤەرێن ئاریشە ژی ڤەدگریت بۆ سالا 2022 بۆ کارکرنێ ل وان فەرمانگەهـ
و سازیان کو باوەرنامەیێن وان ڤەدگریت.
ئەڤە د دەمەکی دایە، ب هێجەتا قەیرانا دارایی و نەبوونا
بودجەیێ پێدڤی ژ سالا 2014ـێ ڤە دامەزراندن ل هەرێمێ هاتیە ڕاگرتن.