AM:08:26:24/09/2023
3668 جار خوێندراوەتەوە
+
-
لژنەیا دارایی یا پەرلەمانێ عێراقێ
ڕاگەهاند، جڤینەک دەربارەی دابینکرنا گاز و بەنزینێ ب بهایێ پشتەڤانیکری بۆ
هەرێما کوردستانێ هاتەکرن و دهێتە چاڤەرێکرن ل چەند رۆژێن بهێت گازا سپی
وبەنزین ب بهایێ پشتەڤانیکری بگەهیتە هەرێمێ.
ژێدەرەکی ل لژنا
دارایی یا پەرلەمانێ عێراقێ بۆ ئێن ئاڕ تی ڕاگەهاند، چەند بەرپرسێن بلند ل وەزارەتا
پەترۆلا عێراقێ جڤیان و چەند پرسێن تایبەت گۆتۆبێژکرن، دناڤ دا بابەتێ دابینکرنا
گازا سپی بۆ هەرێما کوردستانێ گۆتۆبێژکر.
ئاماژە ب وێیەکێ ژیکر، د پلان دایە بەنزین
و گازا سپی بۆ هەرێما کوردستانێ دابین بکەن ب بهایێ پشتەڤانیکری ب پشتگرێدان ب
پارزینگەها بێجی کو ئاستێ وەبەرئینانێ بۆ ١٤٠ هزار بەرمیلان زێدەکریە.
د چەند رۆژێن دەربازبووی دا، بهایێ بەنزینێ
ل سلێمانیێ ١٠٠ دینار تا ٢٠٠ دیناران هاتیەخار و د نها دا ل بەشەکا پانزینخانا ئێک
لێترا بەنزینێ ب ٨٥٠ دینارایە.