AM:08:26:18/09/2023
900 جار خوێندراوەتەوە
+
-
لگۆرەی داتایێن بازارێ جیهانیێ پەترۆلێ ئەڤرۆ د
بۆرسەیێن پەترۆلا جیهانێ دا ئێک بەرمیلێ پەترۆلا خاڤا برێنت ب ٩٤ دۆلار و ٤٦ سەنتان
بازار پێ دهێتەکرن، هەڤبەر ب چەند دەمژمێرێن دەربازبووی بهایێ وێ ٥٣ سەنتان
بلندبوویە.
ئەڤرۆ پێنجشەمبیێ، بهایێ بەرمیلەکا پەترۆلا خاڤا
ئەمریکی (تێکساس) د بازارێن جیهانێ دا، ب ٩١ دۆلار و ٣٩ سەنتان بازار پێ دهێتەکرن،
هەڤبەر ب دوهی بهایێ وێ ٦٢ سەنتان بلندبوویە.
حەفتیا دەربازبووی، بهایێ ئێک بەرمیلێ پەترۆلا
خاڤا برێنت ٩٠ دۆلار دەربازکرن کو ئەڤەژی بلندترین ئاستێ ١٢ مەهێن دەربازبوویە.
ل چەند رۆژێن دەربازبووی، وەزارەتا پەترۆلا عێراقێ
راگەهاند، پشتی نۆژەنکرنا هێلا بۆرییا پەترۆلێ یا دناڤبەرا عێراق و تورکیادا
هنارتنا پەترۆلا هەرێمێ جارەکادی دێ دەستپێکەت.
ل ٢٤ێ ئادارا ئەڤسالە ژوورا ناڤبژیوانیا نێڤدەولەتیا
پاریس بڕیار لسەر دۆسەیا نەیاساییا هنارتنا پەترۆلا هەرێمێ ل رێکا بەندەرێ جەیهانێ
تورکیا دا و ئەو بڕیارەژی د بەرژەوەندیا عێراقێدا بوو، پشترا ب نڤیسارا وەزارەتا پەترۆلا
عێراقێ هنارتنا پەترلا هەرێمێ هاتە راگرتن، ئەڤێ ژی کارتێکرن لسەر بهایێ پەترۆلێ د
جیهانێ دا دانا.