PM:02:00:15/09/2023
480 جار خوێندراوەتەوە
+
-
کوڕێ سەرۆکێ ئەمریکا ب توهمەتا هەلگرتنا چەکێ بێ موهلەت
و بکارئینانا ماددەیێن هشبەر دێ بۆ دادگەهێ هێتە بانگهێشتکرن و دهێتە پێشبینیکرن
لسەر وان تاوانان بهێتە سزادان.
ئەڤرۆ ئەینی، هەنتەر بایدن، کوڕێ جۆ بایدن سەرۆکێ
ئەمریکا ب توهمەتا هەلگرتنا چەکێ بێ موهلەت هاتە توهمەتبارکرن
و بڕیارە بۆ دادگەهێ بهێتە بانگهێشتکرن.
میدیایێن جیهانێ دەربارەی سەدەمێن توهمەتبارکرنا هەنتەر
بایدن بەحسا وێیەکێ کرن، هەنتەر ژبەر راستگۆنەبوونێ د بەرسڤێن خۆ دا لهەمبەر
دادگەهێ دەربارەی هەلگرتنا چەکێ بێ موهلەت سێ تاوان رویبرووی وی هاتینەکرن، ئەوژی:
١- بکارئینانا چەکێ بێ مۆهلەت.
٢- بکارئینانا ماددەیێ هشبەر.
٣- سەردابرنا فرۆشیارەکێ چەکی ب ڕاستگۆنەبوونێ دەربارەی هەبوونا
مۆهلەتا کڕین و هەلگرتنا چەکی.
ب ئەگەرەکێ زۆر دادگەهکرنا هەنتەر دکەڤیتە سەروبەندێ هەلبژارتنا
پێشبینیکریا بابێ وی کو بڕیارە ل سالا ٢٠٢٤ـێ ل ولاتێ ئەمریکا برێڤەبچیت.
ئەڤە ژی بۆ ئێکەمجارە د دیرۆکا ئەمریکا دا کۆرێ سەرۆکەکی
دەستبکاربوویێ وی ولاتی بهێتە سزادان، ئەگەر ئەو تۆهمەتە پشتراست ببن هەنتەر
بایدن، بۆ ٢٥ سالان دێ هێتە زیندانیکرن و ٧٥٠ هزار دۆلارێن ئەمریکی ژی دێ هێتە
سزادان.
د دیرۆکا دادگەهێن ئەمریکا دا گەکەک ب کێمێ سزایێ زیندانیکرنێ و سزایێ
دارایی ژی پێکڤە هاتینەجێبەجێکرن، ژبەر لبەرچاڤگرتنا پێشینەیا تۆهمەتباران و سزایێن
وان ژی بساناهیتر دبن.