AM:08:33:11/09/2023
436 جار خوێندراوەتەوە
+
-
پشتی کو بهایێ هەر بەرمیلەکا پەترۆلا خاڤا برێنت
گەهشتیە ٩٠ دۆلاران، ئەڤرۆ د بۆرسەیێن پەترۆلا جیهانێ دا ئێک بەرمیلا پەترۆلا خاڤا
برێنت ب ٩٠ دۆلار و ٥٣ سەنتان بازار پی دهێتەکرن، بهایێ
وێ لهەمبەر روژا دەربازبووی ١٢ سەنتان داکەفت.
ئەڤرۆ دووشەمبیێ، بهایێ بەرمیلەکا پەترۆلا خاڤا
ئەمریکی یا (تیکساس) د بازارێن جیهانێ دا، ب ٨٧ دۆلار و ٧ سەنتان بازار پێ دهێتەکرن،
هەڤبەر ب دوهی بهایێ وێ ٤٤ سەنتان داکەتیە.
د حەفتیا دەربازبووی دا بهایێ ئێک بەرمیلا پەترۆلا
خاڤا برێنت ٩٠ دۆلار بلندبوو کو ئەڤەژی بلندترین ئاستێ ١٢ مەهێن دەربازبوویە.
ل چەند رۆژێن دەربازبووی، وەزارەتا پەترۆلا عێراقێ
راگەهاند، پشتی نۆژەنکرنا هێلا بۆرییا پەترۆلێ یا دناڤبەرا عێراق و تورکیادا
هنارتنا پەترۆلا هەرێمێ جارەکادی دێ دەستپێکەت.
ل ٢٤ێ ئادارا ئەڤسالە ژوورا ناڤبژیوانیا نێڤدەولەتیا
پاریس بڕیار لسەر دۆسەیا نەیاساییا هنارتنا پەترۆلا هەرێمێ ل رێکا بەندەرێ جەیهانێ
تورکیا دا و ئەو بڕیارەژی د بەرژەوەندیا عێراقێدا بوو، پشترا ب نڤیسارا وەزارەتا پەترۆلا
عێراقێ هنارتنا پەترلا هەرێمێ هاتە راگرتن، ئەڤێ ژی کارتێکرن لسەر بهایێ پەترۆلێ د
جیهانێ دا دانا.