PM:05:23:05/09/2023
416 جار خوێندراوەتەوە
+
-
سەرۆکێ سوریا د کۆنفرانسەکێ رۆژنامەڤانی دا ڕاگەهاند، مەرجێ وان بۆ
گوتوبێژان دگەل تورکیا ڤەکشیانا هێزێن چەکداریێن تورکیایە کو هەیاما ١٢ سالانە
لسەر ئاخا سوریانە، سەرۆکێ تورکیا ژی ڤێ پێنگاڤا سوریا ب دلخۆشکەر نابینیت و
ئامادە نینە ڤەکشیت.
ئەڤرۆ سێشەمبی، بەشار ئەسەد سەرۆکێ سوریا د کۆنفرانسەکا رۆژنامەڤانی دا
ڕاگەهاند، سوریا بەرهەڤ نینە پەیوەندیێن خۆ دگەل تورکیا باشتر بکەت، گوتژی، بۆ
گوتوبێژان دگەل ئەردۆغان مەرجێ مە یێ سەرەکی ڤەکشیانا هێزێن تورکیایە ل دەڤەرێن
باکوری سوریا، ڕاگەهاند ژی، پێدڤیە تورکیا خۆ ب دوویر بگریت ژ هەر زەرەر گەهاندنەکێ
ب ئاخا سوریا.
د هەمبەردا رەجەب تەیب ئەردۆغان سەرۆکێ تورکیا د داخویانیەکێ دا بۆ
رۆژنامەڤانان ڕاگەهاند، چ پێنگاڤێن دلخۆشکەر ژ سوریا نابینین بۆ باشترکرنا
پەیوەندیێن ئەنقەرە و دیمەشق.
تورکیا ل دەستپێکا شەڕێ ناڤخۆ یێ سوریا ل سالا ٢٠١١ هێزێن خۆ لسەر ئاخا
سوریا بنەجهـ کرینە و بەردەوامن ژ شەڕی دژی یەکینەیێن پاراستنا گەل و دەست بسەر
هند دەڤەرێن باکورێ سوریا دا گرتینە.