AM:10:03:05/09/2023
440 جار خوێندراوەتەوە
+
-
کۆچکا سپی ڕاگەهاند،
د دەمەکێ نێزیک دا هەردوو سەرۆکێن کۆریا باکوور و رووسیا بۆ گۆتوبێژکرنێ دەبارەی
گرێبەستا نوی یا چەکی ل رووسیا دجڤن.
ئادریان واتسن
پەیڤدارێ جڤاتا ئاسایشا نەتەوەیێن هەڤگرتیێن ئەمەریکا دادیارکرن، لگۆرەی زانیاریێن
وان ب ڤان نێزیکان کیم جۆنگ ئون سەرۆکێ کۆریایا باکوور دێ سەرەدانا رووسیا کەت و دگەل
ڤلادیمێر پوتن دجڤیت، تەوەرێ سەرەکیێ جڤینا وان ژی هنارتنا چەک و کەرەستەیێن سەربازییە
ژلایێ کۆریا باکوورڤە بۆ رووسیا.
ئەویەک ژی
بەرچاڤکر، گۆتوبێژێن دناڤبەرا پیۆنگ یانگ و مۆسکۆ دەربارەی چەکی گەلەک زێدە و
بەرەڤ پێش چوونە.
هەڤدەم، رۆژنامەیا
نیویۆرک تایمزا ئەمریکی ئەشکەراکریە، داویا ڤێ مەهێ کیم جۆنگ ئون ب رێکا شەمەندەفەرێ
دێ چیتە دەڤەرا ڤلادیڤۆستۆکا رووسیا و ل وێ دەرێ چاڤ ب ڤلادیمیر پوتن دکەڤێت.
ل ٢٤ێ شوباتا ٢٠٢٢،
ب فه‌رمانا ڤلادیمێر پوتینێ سه‌رۆكێ رووسیا هێرشی سه‌ر ئاخا ئۆكرانیا هاتەکرن و
ب وێ سەدەمێ هزاران كه‌س ژ سه‌رباز و وەلاتیان هاتنە كوشتن و ملیۆنه‌ها ئۆكرانی
ژی ئاواره‌ی ولاتێن ئه‌وروپی بوون، تا نهاژی ئه‌و شەرە به‌رده‌وامه.
سەرۆکێ ئۆکرانیا
بۆ دابینکرنا چەکی بۆ سوپایێ ولاتێ خۆ، پشت ب هەڤکاریێن ئەمەریکا و ولاتێن رۆژئاڤا
گرێدایە د هەمبەرژی دا، سوپایێ رووسیا چەند جاران درۆنێن ئیرانی بکارئینانە و نهاژی
ڤلایدمێر پوتین ب هەڤکاریا کیم جۆنگ ئون د بزاڤێن دابینکرنا چەک و تەقەمەنیێن زێدەتر
دایە بۆ سوپایێ رووسیا.