PM:06:44:04/09/2023
832 جار خوێندراوەتەوە
+
-
سەرۆکێ روسیا ڕاگەهاند،
ل دەما جێبەجێکرنا لهەڤهاتنا دەخل و دانی ئەو خالە جێبەجێ نەکرینە کو د بەرژەوەندیا
روسیادا بوون ژبەر وێ لهەڤهاتنا خۆ نوی نەکرینە. دبێژیت ژی، "ئەگەر ئەو خالێن
د بەرژەوەندیا مەدا جێبەجێ بکەن ئەڤەژی بۆ لهەڤهاتنێ د زڤڕیت."
رۆژا دووشەمبی،
ڤلادیمیر پوتین سەرۆکی روسیا دگەل رەجەب تەیب ئەردۆغان سەرۆکێ تورکیا د کۆنفڕانسەکا
رۆژنامەڤانیدا بەحسا ڤەگەڕیانا روسیا بۆ لهەڤهاتنا دەخل و دانی کر.
ڤلادیمیر پوتین
ئاماژە ب وێ ژی کر، ژ دەستپێکا جێبەجێکرنا وێ لهەڤهاتنێ ئۆکرانیا مافێن روسیا د وێ
لهەڤهاتنێ دا پێشێلکرن ب وێ سەدەمێ ژی روسیا رەتکر وێ لهەڤهاتنێ دووبارە نوی بکەت.
ئەویەک ژی
بەرچاڤکر، لگۆرەی وێ لهەڤهاتنێ دڤیا بەندەرێن ئۆکرانیا ب تنێ بۆ ڤەگوهاستنا دەخل و
دانی بهێتە بکارئینان، لێ وی ولاتی بۆ هێرشکرنە سەر وان بۆریێن غازا روسیا
بکارئینان، کوغازێ دگەهیننە تورکیا.
دەربارەی نوی
کرنا لهەڤهاتنێ ژی، ڤلادیمیر پوتین گۆت، "ئەگەر تورکیا و ئۆکرانیا و نەتەوەیێن
هەڤگرتی سۆزێ بدەن وان خالان جیبەجێ بکەن کو د مفایێ روسیادانە ئەم سبەهی دێ وێ
لهەڤهاتنێ نوی کەین".
ئەڤرۆ، ڤلادمیر
پوتین سەرۆکێ روسیا دگەل رەجەب تەیب ئەردۆغان سەرۆک کۆمارێ تورکیا ل باژێرێ سوچی ل
روسیا جڤیان و گۆتوبێژ لسەر پرسا گرێبەستا غازێ و دەستپێکرنا هنارتنا دەخل و دانێ
ئۆکرانیا کرن.