PM:03:53:04/09/2023
396 جار خوێندراوەتەوە
+
-
ڤلادمیر پوتین سەرۆکی روسیا دگەل رەجەب تەیب ئەردۆغان سەرۆک
کۆمارێ تورکیا ل باژێرێ سوچی ل روسیا جڤیا و گوتوبێژ لسەر پرسا گرێبەستا غاز و دەستپێکرنا
هناردەیا دەخل و دانێ ئۆکرانیا کرن.
د جڤینێ دا ڤلادمیر پوتین سەرۆکێ روسیا ڕاگەهاند، بەرهەڤین
بۆ گوتوبێژکرنێ دەربارەی لەهەڤهاتنا هناردەیا دەخل و دان، دەربارەی دامەزراندنا
ناڤەندەکا غازێ ژی دگەل تورکیا دێ گەهینە لهەڤهاتنێ.
د هەمبەر دا رەجەب تەیب ئەردۆغان سەرۆک کۆمارێ تورکیا ئاماژە
ب وێیەکێ کر، لێکگۆهارتنا بازرگانی دناڤبەرا روسیا و تورکیا دا سالانە
گەهشتیە ١٠٠ ملیار دۆلاران.
ئەو یەکژی بەرچاڤکر، بزاڤان دکەین دگەل روسیا لێکگۆهارتنا
بازرگانی ب دراڤێ نشتیمانی ئەنجام بدەن.
لدیڤ زانیاریان، گوتوبێژێن دناڤبەرا روسیا و تورکیا لسەر
پرسا هنارتنا دەخل و دانێ دێ ئێکئالی بن و ڤان گوتوبێژان بۆ هەردوو سەرکردەیان
گرنگیەکا تایبەت هەیە ژبەرکو ئەگەر هناردەیا دەخل و دان بهێتە پشت گوهـ هاڤێتن
مەترسی لسەر بهایێ خارنا جیهانی دروست دکەت.
هەڤدەم، دۆسەیا دامەزراندنا ناڤەندا غاز و پرۆژەیێ هنارتنا
غازا روسیا بۆ ئەوروپا ب رێکا هێلا بۆریا "سیل" یا تورکیا د خشتەیێ
گوتوبێژێن ئەردۆگان و پۆتین دایە زێدەباری وێیەکێ کو ل دەستپێکا گوتوبێژێن پرسا
ناڤەندا غازێ دناڤبەرا وان دوو سەرکردەیان خاڤبوون پێڤە دیارە.