سەرنووچە:

وەزارەتا دەرڤەیا ئیرانێ: چەککرنا هێزێن ئۆپۆزسیۆنێ د دەمێ خۆ دا دێ هێتە ئەنجامدان و ناهێتە پاشخستن

PM:12:20:28/08/2023

1056 جار خوێندراوەتەوە

+ -

پەیڤدارێ وەزارەتا دەرڤەیا ئیرانێ ڕاگەهاند، لهەڤهاتنا ئەولەهیا دناڤبەرا عێراقێ و ئیرانێ دا بۆ چەککرنا هێزێن ئۆپۆزسیۆنێ یێن رۆژهەلاتا کوردستانێ د دەمێ خۆدا دێ هێتە جێبەجێکرن و دبێژیت ژی، "ئەگەر عێراق پێگیر نەبیت نەچار دبین ژبەر گرەنتیا ئاسایشا ئیرانێ کارێ خۆ جێبەجێ بکەین".

ئاژانسا مەوجێ ئیرانێ بەلاڤکر، ناسڕ کەنعانی پەیڤدارێ وەزیرێ دەرڤەیێ ئیرانێ د کۆنفرانسەکێ رۆژنامەڤانی دا ڕاگەهاندیە، هەبوونا سەربازێن بیانی ل روسیا نەیاساییە و نەسەقامگیریێ دروست دکەن و لسەر وان پێدڤیە ب زویترین دەم وان دەڤەران بجهـ بهێلن.

ئاماژە ب وێیەکێ ژی کریە، لهەڤهاتنا ئەولەهیا دناڤبەرا عێراقێ و ئیرانێ دا بۆ چەککرنا هێزێن ئۆپۆزسیۆنێ یێن رۆژهەلاتا کوردستانێ د دەمێ خۆ دا کو ٢٨ێ مەها ئەیلولێ یە دهێتە ئەنجامدان و ب ژڤان نینە پاشبێخن.

ئەویەک ژی بەرچاڤکر، پێشبینیێ دکەن حکومەتا عێراقێ وێ لهەڤهاتنێ ب ئاوایەکێ رێک و پێک ئەنجامبدەت و ئەگەر پێگری وێ لهەڤهاتنێ ژی نەبن وی دەمی ئەو بەرپرسیارەتیا خۆ بۆ گرەنتیکرنا ئاسایشا ئیرانێ جێبەجێ دکەن.

گەلەری