بڕیارە هەدەپە کۆنگرەیێ نەئاسای ئەنجامبددەت و ئەرک و
کارێن خۆ رادەستی پارتا چەپا کەسک بکەت.
ئەڤرۆ ئێکشەمبیێ، بڕیارە کۆنگرەیێ نەئاسایێ هەدەپە ل
ئەنقەرە برێڤەبچیت و شەشەم کۆنگرەیێ پارتا دیموکرتی گەلان (هەدەپەیە) و هەر ئێک ژ
سولتان ئۆجان، ئەندامێ دەستەیا کارگێریا وێ حزبێ و جاهید کرکازاک ئەندامێ دەستەیا
کارگێریا پارتا چەپا کەسک و پارێزەرێ سەلاحەدین دەمیرتاش بەربژێرن بۆ هەڤسەرۆکێ
نویێ هەدەپە.
بەرپرسێ هەدەپێ ژی بەحسا وێیەکێ دکەن، د وێ کۆنگرەیێ دا
هژمارا ئەندامێن جڤاتا وان ل ١٠٠ کەسان بۆ ٥٠ کەسان دهێنە کێمکرن، د هەمان دەم دا
ئەرک و کارێن هەدەپێ رادەستی پارتا چەپا کەسک دهێنە کرن.
هەدەپێ ژبەر ترسا داخستنا وێ ژ لایێ دادگەها کۆماریا
تورکیا ڤە بڕیار دایە کارێن خۆ رادەستی پارتا چەپا کەسک بکەت و هەر ژبەر وێیەکێ ژی
د هەلبژارتنێن مەها ئایارێ یێن تورکیا دا بناڤێ وێ پارتێ پشکداری د هەلبژارتنا
پەرلەمانێ وی وەلاتی دا کر.