AM:09:00:15/07/2023
2700 جار خوێندراوەتەوە
+
-
ل چەند رۆژێن بهێت، بڕیارە رەجەب تەیب ئەردۆغان
سەرۆک کۆمارى تورکیا، سەرەدانا سێ ولاتێن کەنداڤ بکەت.
جڤاتا پەیوەندیێن ئابووری یا دەرڤەى تورکیا، د
تویتەکێدا ڕاگەهاندیە، بڕیارە رەجەب تەیب ئەردۆغان سەرۆک کۆمارێ تورکیا، ل چەند رۆژێن
بهێت، سەرەدانا هەرئێک ژ عەرەبستانا سعودییە و قەتەر و ئیمارات بکەت، ئەوژی د کڤانێ
پشکداریکرن د کۆڕبەندێ ئابوورى دا ل ژێر ناڤێ سعودیە - تورکیا، ل بەروارا ١٧ێ ڤێ مەهێ
ل باژێرێ جەددەیێ وی ولاتی بڕێڤەبچیت.
هەڤدەم، ل ١٨ێ ڤێ مەهێ کۆڕبەندێ قەتەر - تورکیا،
ب هەمان ئاوا ل باژێرێ قەتەر گرێددەن و ل ١٩ێ ڤێ مەهێ ژی بریارە کۆڕبەندێ ئیمارات -
تورکیا، ل باژێرێ ئەبوزەبى ل وی ولاتی بهێتە گرێدان.
لگورەى زانیاریان، مەرەم ژ وێ سەرەدانا سەرۆک کۆمارێ
تورکیا، گرنگیدانە ب پەیوەندیێن دیبلۆماسى و سیاسی و ئابووریێن تورکیا دگەل هەرئێک
ژ سعودییە و ئیمارات و قەتەر، رۆژا پێنجشەمبیا دەربازبووی ژی، رەجەب تەیب ئەردۆغان
د تویتەکێدا ئاماژە ب وێ چەندێ کر، کو حەفتىا بهێت گەڕەکا سەرەدانکرنێ بۆ ولاتێن کەنداڤ
ئەنجام ددەت.
ئەڤە ددەمەکێدایە، پێشتر دوو بەرپرسێن بلندێن
تورکیا، بێ کو ناڤێن وان بهێنە ئەشکراکرن بۆ ئاژانسا رۆیتەرز ڕاگەهاندبوو، پێشبینى
دکەن سەرەدانا رەجەب تەیب ئەردۆغان سەرۆک کۆمارێ تورکیا، ببیتە سەدەمێ ڤەکرنا دەرگەهێ
وبەرئینانەکا مەزن یا کەنداڤی ل ولاتێ وان، کو دبیت قەبارەیا وبەرئینانانێ بگەهیتە
نێزیکى ١٠ ملیار دۆلاران.