PM:06:35:03/07/2023
432 جار خوێندراوەتەوە
+
-
سەرۆکێ ژۆرا بازرگانیا ئیران - - عێراق ڕاگەهاند، عێراقێ کوژمێ ١٠ ملیار
دۆلارێن سرکریێن ئیرانێ ئازادکرن و وەک قەر بۆ کرینا غازێ داینە وی ولاتی. دبێژیت
ژی، "ئەو کوژمێ پارەی دێ بۆ کرینا دەرمان و پێتڤیێن بنەرەتی هێنە
بکارئینان".
ئاژانسا نووچەیا تەسنیمی یا نیمچە فەرمیا ئیرانێ ژ
زارێ ئال ئیسحاق سەرۆکێ ژوورا بازرگانی
ئیران – عێراق بەلاڤکریە، عێراقێ کوژمێ ١٠ ملیار دۆلارێن سرکریێن ئیرانێ ئازادکرن.
ئاماژە بوێیەکێ ژیکر، ئەو کوژمێ پارەی دێ
جیتە سەر هژمارا بەنکیا بانک تی بی ئای یا عێراقی کو سزایێن ئەمریکا ناڤەگریت.
یەحیا ئال ئیسحاق ئەو یەکژی ئەشکرا کریە،
ئەو کوژمێ پارەی لدەڤ عێراقێ مابوون ب سەدەما کرینا غازێ بوویە ژ ئالیێ عێراقێ ڤە
و ئیران ژی دێ وی کوژمێ پارەی پێتڤیێن بنەرەتی مەزخینیت.
ئەو یەکژی بەرچاڤکر،
کەرتێ تایبەتا ئیرانێ چ ئاریشە نینن بۆ وەرگرتنا شایستە دارایێن خۆ ل عێراقێ، ئەوا
ئاریشە هەی کەرتێ حکومەتێ یە ب سەدەما سڕکرنا ژێدەرێن دارایێن ئیرانێ، ئیران نەشێت
پارێن خۆ ژ عێراقێ ڤەگەڕینیت کو قەرێن فروتنا غازێ و دانا کارەبێ یە.
سەرۆکی ژوری
بازرگانی ئێران – عێراق باسی لەوەشکرد، داواکارییەکانی هەردوولا بەشێوەیەکی بنەڕەتی
بریتیە لە سود بینین لە هەلەکان بۆ پتەوکردنی پەیوەندییە بازرگانییەکانی نێوان دوو
وڵات.
گوتژی، قەبارا بازرگانیا ئیران و عێراقێ ١٠
ملیار دۆلار تێپەراندیە و د چەند سالێن داهاتی ژی دا دێ گەهیتە ٢٠ ملیار دۆلاران.
ئەو یەکژی ئەشکرا کریە، هیڤی دکەین بشیێن ل سالا داهاتی قەبارێ بازرگانی دناڤبەرا
وان دوو ولاتان ژ ١٠ ملایارن دیناران ببیتە ١١ ملیار دینار بێ فرۆتنا غاز و
کارەبێ.
ئاماژە ب وێیەکێ
ژیکر، د ١٠ بۆ ١٥ سالێن دی عێراقێ دێ بیتە باشترین ولاتێ دەڤەرێ بۆ وەبەرئینانێ.