AM:09:07:29/06/2023
696 جار خوێندراوەتەوە
+
-
ئاژانسا نووچەیا سعودی راگەهاند، ل پارێزگەها جەددە
ل سعودیە کەسەکی تەقە ژ کونسولخانەیا ویلایەتێن هەڤگرتیێن ئەمەریکا کریە و زێرەڤانەک
کوشتیە و پشترا تەقەکەرژی هاتیە کوشتن.
ئاژانسا نووچەیا سعودی بەلاڤکریە، شەڤا
دەربازبووی، کەسەک چوویە سەر کونسولخانەیا ئەمەریکا ل پارێزگەها جەددە و زێرەڤانەکێ
کونسولخانێ کو ب ڕەگەز نیپالیە بریندار کریە و پشترا ب سەدەمێ گرانیا برینا وی
ژیانا خۆ ژ دەستدایە و تەقەکەرژی هاتیە کوشتن.
ئاماژە ب وێ ژی کریە، پۆلیس بەرهنگاری وی تەقەکەری
بووینە و د وێ دەربارێ دا، پەیڤدارێ پۆلیسێن دەڤەرا مەککەهێ راگەهاند، کەسەکی ل
پێشیا کونسولخانەیا ئەمەریکا ل جەددە ترۆمبێلا خۆ راوەستاندیە و چەک دگەل بوویە و زێدەباری
وێ کو هێزێن ئەولەکاریێ مامەلە دگەل کرینە بۆ ئاسایی کرنا رەوشێ لێ شەڕە تەقە رویدایە.
ئەڤە ددەمەکێدایە، ل سالا ٢٠١٦ کونسولخانەیا ئەمەریکا
ل جەددە بەرهنگاری هێرشەکا خۆکوژی بوو و کەسەکی ل نێزیک وێ کونسولخانێ خۆ تەقاند و
دوو کەس بریندارکرن.