PM:01:32:20/06/2023
1580 جار خوێندراوەتەوە
+
-
بالەفرێن بێ بالەفرڤانێن تورکیا ل رۆژئاڤایێ کوردستانێ ترۆمبێلەک کرە
ئارمانج و د ئەنجامدا سێ کەسان ژیانا خۆ ژ دەستدان کو ئێک ژ وان هەڤسەرۆکا
کانتۆنا قامیشلۆیە.
نووچەگەهانێ ئێن ئاڕ تی ل
رۆژئاڤایێ کوردستانێ ڕاگەهاند، بەریا دەمەکێ کێم بالەفرێن بێ بالەفرڤانێن ئارتێشا تورکیا ل گوندێ
تل شەهیدە یێ گرێدای ب باژێرێ تربەسپیێ ل رۆژئاڤایێ کوردستانێ ترۆمبێلەک کرە
ئارمانج و د ئەنجامدا سێ کەسان ژیانا خۆ ژ دەستدان و ئێک ژی بریندار بوو.
ئاماژە ب وێ چەندێ ژی کریە، ئەو
سێ کەسێن ژیانا خۆ ژ دەستداین ژنن و بەرپرسێن رێڤەبەریا خۆسەرن ل رۆژئاڤایێ
کوردستانێ و ئێک ژ وان هەڤسەرۆکا کانتۆنا قامیشلۆیە.
ئەڤە د دەمەکێدایە، دەمەکێ درێژە
بالەفرێن بێ بالەفرڤانێن ئارتێشا تورکیا رۆژانە دەڤەرێن جودایێن رۆژئاڤایێ
کوردستانێ بۆمبەباران دکەن، ئەڤەژی بوویە سەدەمێ وێ چەندێ کو وەلاتیێن وان دەڤەران
توشی ئاوارەبوونێ و کوشتنێ و دەربەدەریێ ببن.
کاوە ئەدهەم –
رۆژئاڤایێ کوردستانێ
