PM:06:00:14/09/2021
5068 جار خوێندراوەتەوە
+
-
بۆ دەما زێدەتر ژ دوو حەفتیا نە تەڤگەر شێرکۆ لسەر شاشەیا ئێن ئاڕ تی
دەرنەکەفتیە ڤێ یەکێ ژی گەلەک پرسیار ل دەڤ بینەران دروستکرنە و بێژەرا ئێن ئاڕ تی
سەدەمێن دەرنەکەفتنا خۆ ئاشکرا دکەت.
تەڤگەر شێرکۆ بێژەر و پێشکێشکارا کەنالێ ئێن ئاڕ تی ڕاگەهاند، بسەدەما
وێیەکێ بۆ دەما زێدەتر ژ ٢٠ رۆژانە نەشتەرگەری بۆ پیێ خۆ کریە، نەشیایە لسەر شاشێ
بدەرکەڤیت.
ئاماژە ب وێیەکێ ژی کر، بسەدەما وێیەکێ ل سالا دەربازبووی توشی
بوویەرەکا هاتن و چوونێ بووی، کارتێکرن
لسەر مایە و نوژداران ژی بریارداینە نەشتەرگەریێ بۆ ئەنجامبدەن.
بەحسا وێیەکێ ژی کر، د نها دا ساخلەمیا وێ یا باشە و د دەما حەفتیەکێ دا دێ ڤەگەریتە سەر کارێ خۆ.
سالا دەربازبووی، تەڤگەر شێرکۆ تووشی بوویەرەکا هاتن چوونێ ببوو و
پشتی ئەنجامدانا نەشتەرگەریێ و وەرگرتنا چارەسەریا پێتڤی ڕەوشا ساخلەمیا وێ
جێگربوو، دنها دا نەشتەرگەریەکا دی بۆ هاتیە ئەندجامدان و بەرەڤ باشبوونێ دچیت.
تەڤگەر شێرکۆ؛ ل باژێرێ سلێمانیێ ژ دایکبوویە، ئێکە ژ بێژەر و
پێشکێشکارێن دیارێن کەنالێ ئێن ئاڕ تی، ئێکەم وێستگەها کارکرنا وێ کەنالێ ئێن ئاڕ
تی بوویە و نێزیکی حەفت سالانە لسەر کارێ خۆ بەردەوامە، دڤی دەمی دا پێشکێشکاریا
چەندین بەرنامەیێن جودا کریە.